ହରଭଙ୍ଗା : ବୌଦ୍ଧ ଜିଲ୍ଲା ପୁରୁଣାକଟକ ଥାନା ତିଲେଶ୍ୱର ପଞ୍ଚାୟତ ଖଣ୍ଡହତା ଗ୍ରାମରେ ଯାତ୍ରା ଆୟୋଜନକୁ ନେଇ ପୁଲିସ ଓ ଗ୍ରାମବାସୀ ମଧ୍ୟରେ ଗୁରୁବାର ରାତିରେ ଉତ୍ତେଜନା ସହିତ ଧସ୍ତାଧସ୍ତି ଘଟିଥିବା ନେଇ ଖବର ମିଳିଛି। ଶେଷରେ ଉତେଜନା ହ୍ରାସ ପାଇଁ ପୁଲିସ ପକ୍ଷରୁ ଲାଠି ଚାଲନା କରାଯାଇଛି । ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ ଗତକାଲି ଖଣ୍ଡହତା ଗ୍ରାମରେ କାଳୀ ପୂଜାରେ ଯାତ୍ରା ପରିବେଷଣକୁ ନେଇ ପୁଲିସ ଗ୍ରାମବାସୀ ମୁହାଁମୁହିଁ ହୋଇଥିଲେ । କୋଭିଡ କଟକଣା ସତ୍ୱେ ଯାତ୍ରା ଆୟୋଜନକୁ ବାରଣ ସତ୍ୱେ ଏକ ହଜାର ଲୋକ ଏକାଠି ହେବା ଘଟଣା ସମ୍ପର୍କରେ ପୁରୁଣା କଟକ ପୁଲିସ ଖବର ପାଇ ଯାତ୍ରା ଆୟୋଜନକୁ ବନ୍ଦ ପାଇଁ ଲୋକଙ୍କୁ ବୁଝାଇଥିଲେ । ମାତ୍ର ଏଥିରେ ଲୋକେ ବୁଝିବାକୁ ନାରାଜ ଥିବାରୁ ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଥିଲା । ଏହି ଘଟଣାରେ ପୁଲିସ ଜଣଙ୍କୁ ଥାନାରେ ଅଟକ ରଖି ପଚରାଉଚରା ଜାରି ରଖିଥିବା ପୁରୁଣା କଟକ ଆଇ ଆଇ ସି ଜ୍ୟୋସ୍ନା କାଉଁରୀ ସୂଚନା ଦେଇଛନ୍ତି ।
Popular Categories
Previous article
Next article