ଆରଡି : ଦୀର୍ଘଦିନ ହେବ ଭଦ୍ରକଜିଲା ଅସୁରାଳି ଓ ଶାଆଁଳପୁର ବିଦ୍ୟୁତ ବିଭାଗର ମନମୁଖି କାର୍ୟ୍ୟ ଯୋଗୁ ଘଣ୍ଟାଘଣ୍ଟା ଧରି ଅନ୍ଧାରରେ ରହୁଛି ପ୍ରସିଦ୍ଧ ଶୈବକ୍ଷେତ୍ର ଆଖଣ୍ଡଳମଣିଙ୍କ ପୀଠ ସହ ଆଖପାଖ ୪୦- ୫୦ ଖଣ୍ଡ ଗାଁ। ଏପରି ବିଦ୍ୟୁତ କାଟ ସମ୍ପର୍କରେ ବିଭାଗୀୟ ଅଧିକାରୀଙ୍କୁ ଫୋନ କଲେ କୌଣସି ଉତ୍ତର ମିଳେ ନାହିଁ ବୋଲି ସ୍ଥାନୀୟ ଲୋକ ଅଭିଯୋଗ କରିଛନ୍ତି। ଗତକାଲି(ମଙ୍ଗଳବାର ) ରାତି ପ୍ରାୟ ୯ଟା ହେବ ଆକାଶ ମେଘାଛନ ହେବା ସହ ଝିପିଝିପି ବର୍ଷା ହୋଇଥିଲା। ସେହି ସମୟ ଠାରୁ ଦୀର୍ଘ ୧୨ଘଣ୍ଟା ବିତି ଯାଇଥିଲେ ମଧ୍ୟ ବୁଧବାର ସକାଳ ୧୦ଟା ଯାଏଁ ଆରଡିପୀଠ ସମେତ ଆଖପାଖ ସମସ୍ତ ଗାଁ ଅନ୍ଧାରରେ ରହିଛି। ଏହି ଅଞ୍ଚଳ ସମୁଦ୍ରକୂଳିଆ ଅଞ୍ଚଳ ହୋଇଥିବାରୁ ହାତ ଗଣତିରେ ଥିବା ନଳକୂପ ମଧ୍ୟରୁ ବହୁ ନଳକୂପ ଏବେ ଅନୁପଯୋଗି ହୋଇ ପଡି ରହିଛି। ଫଳରେ ମଧୁରଜଳ ପ୍ରକଳ୍ପ ଉପରେ ନିର୍ଭର କରୁଥିବା ସ୍ଥାନୀୟ ଅଧିବାସୀଙ୍କ ସହ ଆଗନ୍ତୁକ ଭକ୍ତ ପିଇବା ପାଣି ପାଇଁ ନାନା ଅସୁବିଧାରେ ସମ୍ମୁଖୀନ ହେବା ସହ ବାଧ୍ୟ ହୋଇ ଦୂଷିତ ପାଣି ବ୍ୟବହାର କରୁଛନ୍ତି। ସେହିପରି ବିଦ୍ୟୁତ କାଟ ଯୋଗୁ ବାବା ଆଖଣ୍ଡଳମଣିଙ୍କ ମନ୍ଦିରରେ ନାନା ଅସୁବିଧା ଦେଖା ଦେବା ସହ ନୀତିକାନ୍ତି ଓ ଜଳାଭିଷେକ ନିକଟରେ ଥିବା ପୁଷ୍କରିଣୀର ଦୂଷିତ ଜଳରେ ସମସ୍ତ କାର୍ୟ୍ୟ ଚାଲିଥିବା ସେବାୟତ ନାରାୟଣ ଦାସ, ଶୁଶାନ୍ତ ତ୍ରିପାଠୀ, ପପୁନ ପାଢୀ ପ୍ରମୁଖ କହିଛନ୍ତି। ବିଶେଷକରି ବିଜୁଳି କାଟ ଯୋଗୁ ସିଧାସଳଖ ଭାବେ ପ୍ରଭାବ ପକାଇଛି ଛାତ୍ରଛାତ୍ରୀଙ୍କ ନିକଟରେ। ମୋବାଇଲର ଟାଓଆର ରହୁନଥିବାରୁ ଇଣ୍ଟରନେଟ ଓ ଅନଲାଇନ ସେବା ଠପ ହୋଇଯାଉଛି। ଅତ୍ୟାବଶ୍ୟକୀୟ ଜମିପଟା ଅନ୍ୟାନ ସାଟିଫିକେଟ ଓ ବ୍ୟାଙ୍କିଙ୍ଗ ସେବା ମଧ୍ୟ ଠପ ହୋଇଯାଉଛି। ଏଥିପ୍ରତି ଉଚ୍ଚ କତୃପକ୍ଷ ଦୃଷ୍ଟି ଦେବା ସହ ସ୍ଥାୟୀ ପ୍ରତିକାର ପାଇଁ ସ୍ଥାନୀୟ ଲୋକ ଦାବି କରିଛନ୍ତି। ।
Popular Categories
Previous article
Next article