କଟକ ମହାନଦୀ ପୋଲ ଉପରୁ ଚାଉଳିଆଗଞ୍ଜ ଅଂଚଳର ଦେବାଶିଷ ଦାସ ଆଜି ଡେଇଁ ପଡିଥିବା ସୂଚନା ମିଳିଛି। ସେ ଏକ କାରରେ ଭୁବନେଶ୍ୱରରୁ କଟକ ଟାଙ୍ଗୀ ଯାଉଥିବା ଡ୍ରାଇଭରକୁ ମହାନଦୀ ପୋଲ ଉପରେ ଗାଡି ଅଟକାଇବାକୁ କହିଥିଲେ। ଡ୍ରାଇଭର ଗାଡି ଅଟକାଇବା ପରେ ଦେବାଶିଷ ପୋଲର ବାଢ଼ା ଅତିକ୍ରମ କରି ନଦୀ ଭିତରକୁ ଡେଇଁ ପଡ଼ିଥିଲେ। ପ୍ରାଥମିକ ସୂଚନା ଅନୁଯାୟୀ, ଦେବାଶିଷ ଭୁବନେଶ୍ୱର ବିଜେବି ସ୍ବୟଂଶାସିତ ମହାବିଦ୍ୟାଳୟରେ କେମେଷ୍ଟ୍ରି ବିଭାଗରେ ଲାବୋରେଟୋରୀ ଆସିଷ୍ଟାଣ୍ଟ ଭାବେ କାର୍ଯ୍ୟ କରନ୍ତି ଓ ତାଙ୍କ ଘର କଟକ ଚାଉଳିଆଗଞ୍ଜରେ।
ଏବେ ଘଟଣାସ୍ଥଳରେ ଚାଉଳିଆଗଞ୍ଚ ପୁଲିସ ପହଞ୍ଚିଛି ଓ ଅଗ୍ନିଶମ ଏବଂ ଓଡ୍ରାଫ କର୍ମଚାରୀମାନେ ଆସୁଛନ୍ତି। ସେମାନେ ପହଂଚିବା ପରେ ଉଦ୍ଧାର କାର୍ଯ୍ୟ ଆରମ୍ଭ କରାଯିବ। ତେବେ ସେ କାହିଁକି ଏଭଳି ପଦକ୍ଷେପ ନେଲେ ତାହା ଜଣାପଡିନାହିଁ।
