ନୂଆଦିଲ୍ଲୀ: ଜମ୍ମୁ-କାଶ୍ମୀରରେ ଚଳିତ ବର୍ଷର ଅକ୍ଟୋବର-ନଭେମ୍ବରରେ ହେବାକୁ ଥିବା ପଞ୍ଚାୟତ ଓ ପୌର ନିଗମ ନିର୍ବାଚନକୁ ନେଇ ରାଜନୀତି ଜୋର ଧରିବାରେ ଲାଗିଛି। ନ୍ୟାସନାଲ କନଫାରେନ୍ସ ଦଳ ପକ୍ଷରୁ ଏହି ନିର୍ବାଚନକୁ ବହିସ୍କାର କରିବାକୁ ନିଷ୍ପତ୍ତି ନିଆଯାଇଛି। ଅନୁଚ୍ଛେଦ ୩୫-ଏକୁ ନେଇ ନ୍ୟାସନାଲ କନଫାରେନ୍ସ ଏହି ନିଷ୍ପତ୍ତି ପରେ ରାଜନୀତି ସରଗରମ ହୋଇପଡ଼ିଛି।
ନ୍ୟାସନାଲ କନଫାରେନ୍ସ ମୁଖ୍ୟ ତଥା ପ୍ରାକ୍ତନ କେନ୍ଦ୍ର ମନ୍ତ୍ରୀ ଫାରୁକ ଅବଦୁଲ୍ଲା ଏ ସମ୍ପର୍କରେ ଘୋଷଣା କରିବା ସହ କେନ୍ଦ୍ର ସରକାର ଅନୁଚ୍ଛେଦ-୩୫ଏକୁ ନେଇ ନିଜ ପକ୍ଷ ସର୍ବସାଧାରଣରେ ସ୍ପଷ୍ଟ କରିବାର ଆବଶ୍ୟକତା ରହିଛି। କେନ୍ଦ୍ର ସରକାର ଯେତେ ପର୍ଯ୍ୟନ୍ତ ନିଜ ପକ୍ଷ ସ୍ପଷ୍ଟ ନକରିବ ସେତେ ପର୍ଯ୍ୟନ୍ତ ରାଜ୍ୟରେ ଶାନ୍ତି ଫେରିବାର ଆଶା କ୍ଷିଣ ବୋଲି ଶ୍ରୀ ଅବଦୁଲ୍ଲା ମତବ୍ୟକ୍ତ କରିଛନ୍ତି।
ଅନୁଚ୍ଛେଦ ୩୫-ଏକୁ ନେଇ ସୁପ୍ରିମ କୋର୍ଟରେ ଶୁଣାଣି ଅବ୍ୟାହତ ରହିଛି। କେନ୍ଦ୍ର ସରକାର ରାଜ୍ୟରେ ପଞ୍ଚାୟତ ନିର୍ବାଚନ ଥିବାରୁ ଶୁଣାଣି ଶୀଘ୍ର କରିବାକୁ ଆବେଦନ କରିଥିଲେ। ଅପରପକ୍ଷରେ ରାଜ୍ୟ ସରକାର ଏହାକୁ ବିରୋଧ କରୁଛି। ଏପରିକି ଯେଉଁ ଦିନ ସୁପ୍ରିମ କୋର୍ଟ ଉକ୍ତ ମାମଲାର ଶୁଣାଣି କରୁଛି ସେହି ଦିନ ଜମ୍ମୁ-କାଶ୍ମୀରରେ ବନ୍ଦ ପାଳନ କରାଯାଉଛି। ରାଜ୍ୟରେ ଏବେ ରାଜ୍ୟପାଳ ଶାସନ ଚାଲିଥିବାବେଳେ ପଞ୍ଚାୟତ ନିର୍ବାଚନ ତାରିଖ ଘୋଷଣା ହୋଇ ନାହିଁ। କିନ୍ତୁ ଅକ୍ଟୋବର-ନଭେମ୍ବର ମଧ୍ୟରେ ମତଦାନ କରାଯିବାର ଚୂଡ଼ାନ୍ତ ହୋଇଛି।
ଜମ୍ମୁ-କାଶ୍ମୀର ପଞ୍ଚାୟତ ନିର୍ବାଚନରେ ଭାଗ ନେବ ନାହିଁ ନ୍ୟାସନାଲ କନଫାରେନ୍ସ: ଫାରୁକ ଅବଦୁଲ୍ଲା
Popular Categories
Previous article
Next article