କଳାପଥର: ପ୍ରତ୍ୟେକ ମାସର ୧୫ ତାରିଖରେ ଗାଁ ଗହଳିର ଅସହାୟବୃଦ୍ଧ, ବୃଦ୍ଧା, ବିକଳାଙ୍ଗମାନଙ୍କୁ ଭତ୍ତା ବଣ୍ଟନ କରାଯିବାକୁ ସରକାର ନିୟମ କରିଛନ୍ତି। ଏପରିକି ଯେଉଁ ଅସହାୟ ଭତ୍ତା ବଣ୍ଟନ ସ୍ଥାନକୁ ଆସି ନ ପାରିବେ ତାଙ୍କୁ ଦାୟୀତ୍ୱରେ ଥିବା କର୍ମଚାରୀ ନିଜେତାଙ୍କ ଘରକୁ ଯାଇ ଭତ୍ତା ଟଙ୍କା ଦେବାକୁ ନିୟମ ମଧ୍ୟ ରହିଛି। କିନ୍ତୁ ବାଙ୍କୀରେଏହିସରକାରୀ ନୟମକୁ ଅଣଦେଖା କରାଯାଉଛି। ଏପରିକି ସରକାର ଧାର୍ଯ୍ୟ କରିଥିବା ନିର୍ଦ୍ଦିଷ୍ଟ ତାରିଖରେ ମଧ୍ୟ ଭତ୍ତା ଦିଆଯାଉନାହିଁ। ସେପ୍ଟେମ୍ବର ମାସର ୧୫ ତାରିଖରେ ଭତ୍ତା ବଣ୍ଟନ କରାଯିବାର ନିୟମ ରହିଛି। କିନ୍ତୁ କଟକ ଜିଲ୍ଲା ବାଙ୍କୀରେ ଆଜି କୌଣସି ପଂଚାୟତରେ ଏହି ଅର୍ଥ ଅଂଚଳର ଅସହାୟ ବୃଦ୍ଧ, ବୃଦ୍ଧା, ବିକଳାଙ୍ଗମାନଙ୍କୁ ଦିଆଯାଇନାହିଁ। ସରକାରଙ୍କ ପକ୍ଷରୁ ଏକ ନିର୍ଦ୍ଦିଷ୍ଟ ତାରିଖ ଘୋଷଣା ହୋଇଥିବାରୁ ଆଜି ସକାଳେ ପ୍ରତ୍ୟେକ ପଂଚାୟତର ଅସହାୟ ବୃଦ୍ଧ, ବୃଦ୍ଧା, ଅସହାୟମାନେ ସ୍ଥାନୀୟ ପଂଚାୟତ ଅଫିସରେ ଗହଳି ଲଗାଇଥିଲେ। ତେବେ ଦିନ ୧୨ଟା ଯାଇ ଅପରାହ୍ନ ହୋଇଥିଲେ ହେଁ କୌଣସି ଅଧିକାରୀ ପଂଚାୟତ ଅଫିସ ମାଡି ନ ଥିଲେ। ଦୂର ଦୂରାନ୍ତରୁ ଦୌଡି ଦୌଡି ଆସିଥିବା ଅସହାୟମାନେ ନିରାଶ ହୋଇଯିବାକୁ ପଡିଥିଲା। କେତେକ ପଂଚାୟତରେ ଏଥିନେଇ ଘୋର ଅସନ୍ତୋଷ ଦେଖାଦେଇଛି।
Comments are closed.