ସାଧାରଣତଃ ଆପଣ ମାଛ ଖାଇବାର ଉପକାରିତା ବିଷୟରେ ବହୁତ ଶୁଣିଥିବେ। ହେଲେ ମାଛକୁ ଘରେ ପାଳିବା ଦ୍ୱାରା ମଧ୍ୟ କମ୍ ଲାଭ ହୋଇନଥାଏ। ମାଛ ଖାଇବା ଦ୍ୱାରା ଶରୀର ସୁସ୍ଥ ରହିବା ସହ ଏହାକୁ ପାଳିବା ଦ୍ୱାରା ମଧ୍ୟ ବହୁ ରୋଗ ଦୂର ହୋଇଥାଏ। ଏପରି ଏକ ପ୍ରକାର ମାଛ ଅଛି ଯାହାକୁ ପାଳିବା ଦ୍ୱାରା ରୋଗ ତ ଦୂରର କଥା ଡ଼େଙ୍ଗୁ, ମ୍ୟାଲେରିଆର ବାହକ ମଶାମାନେ ମଧ୍ୟ ଏହି ମାଛକୁ ଭୟ କରିଥାଆନ୍ତି। ଏ କଥା ଶୁଣି ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ।
ଗମ୍ବୁସିୟା ନାମକ ଏକ ମାଛର ବିଶେଷତ୍ୱ ହେଉଛି, ଏହା ପାଣିରେ ଜନ୍ମୁଥିବା ମଶାଙ୍କ ଲାର୍ଭାକୁ ଖାଇ ଦେଇଥାଏ। ଯାହାଦ୍ୱାରା ମ୍ୟାଲେରିଆ, ଡ଼େଙ୍ଗୁ ଓ ଚିକନ୍ଗୁନିଆ ମଶା ଜନ୍ମ ହିଁ ହୋଇପାରନ୍ତି ନାହିଁ। ଡ଼େଙ୍ଗୁ ଓ ଚିକନ୍ଗୁନିଆ ଭଳି ପ୍ରାଣଘାତୀ ରୋଗକୁ ରୋକିବା ପାଇଁ ସରକାର ବହୁତ ପ୍ରଚେଷ୍ଟା ଚଳାଇଛନ୍ତି ଓ ଏ ନେଇ ବହୁ ପଦକ୍ଷେପ ମଧ୍ୟ ନିଆଯାଇଛି। ଏହାଛଡ଼ା ସରକାର ଜୈବିକ ପ୍ରଣାଳୀରେ ମଧ୍ୟ ମଶା ବଂଶବୃଦ୍ଧିକୁ ରୋକିବା ପାଇଁ ଚେଷ୍ଟା କରିଛନ୍ତି।
ଗମ୍ବୁସିୟା ମାଛ ସଫା ପାଣିରେ ରହିଥାଏ। ଏହା ଜଳର ଉପର ସ୍ତରରେ ରହେ, ଯେଉଁଠି ମଶା ଲାର୍ଭା ରହିଥାଏ। ଗୋଟିଏ ଗମ୍ବୁସିୟା ମାଛ ପ୍ରତ୍ୟେକ ଦିନ ୧୦୦ ରୁ ୩୦୦ ଲାର୍ଭା ଖାଇଥାଏ। ଏହାର ଆକାର ଛୋଟ(୪.୫ ସେମି-୬.୮ ସେମି) ହୋଇଥିବାରୁ ଏହାକୁ ଆକ୍ୱାରିୟମ୍ରେ ମଧ୍ୟ ରଖିହେବ। ପ୍ରସିଦ୍ଧ କୀଟ ବିଜ୍ଞାନୀ ବବିତା ବିଷ୍ଟ୍ଙ୍କ କହିବା ଅନୁସାରେ, ଗମ୍ବୁସିୟା ମ୍ୟାଲେରିଆକୁ ରୋକିବାରେ ବହୁତ ସାହାୟକ ହୋଇଥାଏ। ୨୦୨୦ ସୁଦ୍ଧା ଦିଲ୍ଲୀରୁ ଓ ୨୦୩୦ ସୁଦ୍ଧା ସମ୍ପୂର୍ଣ୍ଣ ଭାରତରୁ ମ୍ୟାଲେରିଆର ମୂଳୋତ୍ପାଟନ କରିବା ସରକାରଙ୍କ ଲକ୍ଷ୍ୟ ରହିଛି। ତେବେ ଏହି ମାଛ ଡ଼େଙ୍ଗୁ ମଶାକୁ ନଷ୍ଟ କରିବାରେ ଏତେ ପାରଙ୍ଗମ ହୋଇପାରି ନାହିଁ। କାରଣ ଡ଼େଙ୍ଗୁ ମଶା ମଫା ସ୍ଥାନରେ ରହିଥାଆନ୍ତି ଯେପରିକି କୁଲର, ଏସି, ପାଣି ରହୁଥିବା ବଡ଼ ବାସନ ଯେଉଁଠାରେ କି ଗମ୍ବୁସିୟାକୁ ପାଳିବା ସମ୍ଭବ ନୁହେଁ।
ଘରେ ପାଳନ୍ତୁ ଏହି ମାଛ : ପାଖ ପଶିବେନି ପ୍ରାଣଘାତୀ ମଶା
Popular Categories
Previous article
Next article