ବେଗୁନିଆ: ୧୯୮୬ ମସିହା ମାଟ୍ରିକ ବ୍ୟାଚ ଡିଙ୍ଗର ଉଚ୍ଚ ବିଦ୍ୟାଳୟର ବନ୍ଧୁମିଳନ ଓ ଗୁରୁ ସମ୍ମାନ ସମାରୋହ ମା’ବରମୂଳେଇଙ୍କ ପୀଠରେ ଅନୁଷ୍ଠିତ ହୋଇଯାଇଛି । ଏହି ସମାରୋହରେ ଅତିରିକ୍ତ ତହସିଲଦାର ସନାତନ ଆଚାର୍ଯ୍ୟ ସମ୍ମାନିତ ଅତିଥି ଭାବେ ଯୋଗ ଦେଇଥିବାବେଳେ ବ୍ଲକ ଅଧ୍ୟକ୍ଷ ଜାନକୀ ସ୍ୱାଇଁ ଏହାକୁ ଉଦଘାଟନ କରିଥିଲେ । ଅଧ୍ୟାପକ ରମେଶ ଚନ୍ଦ୍ର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭା କାର୍ୟ୍ୟରେ ଶିକ୍ଷକ ଅଖିଳେଶପ୍ରସାଦ ମହାପାତ୍ର ସଂଯୋଜନା କରିଥିଲେ । ସୁବାଷ ଚନ୍ଦ୍ର ସାହୁ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ଦେବୀ ପ୍ରସାଦ ଦାସ, ପ୍ରଦୀପ ପ୍ରଧାନ, ଦୈତାରି ନିଷଙ୍କ, ବିଜୟଲଷ୍ମୀ ବେହେରା, ବାସନ୍ତୀ ସାହୁ ,ବିପିନବିହାରି ବେହେରା ପ୍ରମୁଖ ଗୁରୁଙ୍କ ଗୁଣ ଗାନ କରିଥିଲେ । ରାଜ୍ୟପାଳ ପୁରସ୍କାରପ୍ରାପ୍ତ ପ୍ରଧାନ ଶିକ୍ଷକ ଅନନ୍ତ ଚରଣ ପ୍ରହରାଜ ଏବଂ ରାଜକିଶୋର ପାଣିଗ୍ରାହୀ ଙ୍କୁ ଗୁରୁ ସମ୍ମାନରେ ସମ୍ମାନୀତ କରାଯାଇଥିଲା । ଶିକ୍ଷକ ସ୍ମୃତିରେ ତାଙ୍କର ପୁତ୍ର ଶିବ ପ୍ରସାଦ ଦାସଙ୍କୁ ମରଣୋତ୍ତର ସମ୍ମାନ ପ୍ରଦାନ କରାଯାଇଥିଲା । ସ୍କୁଲର ଅବସରପ୍ରାପ୍ତ ଶିକ୍ଷକ ଓ ଶିକ୍ଷୟତ୍ରୀ ଜ୍ୟୋତି ମିଶ୍ର, ପ୍ରଭାକର ସାହୁ, ଉପେନ୍ଦ୍ରନାଥ ସାହୁ, ଶରତକୁମାରପଣ୍ଡା, ବିବେକାନନ୍ଦ ପଟ୍ଟନାୟକ, ଅତିଶ ରଞ୍ଜନ ସୁବୁଦ୍ଧି ଓ ବ୍ରଜବନ୍ଧୁ ଦାସଙ୍କୁ ମାନପତ୍ର ପୂର୍ବକ ଗୁରୁ ସମ୍ମାନରେ ସମ୍ମାନିତ କରାଯାଇଥିଲା । ପରିଶେଷରେ ମୁଖ୍ୟ ଅତିଥି ଓ ସମ୍ମାନିତ ଅତିଥିଙ୍କ ଦ୍ୱାରା ମା’ ବରମୂଳେଇଙ୍କ ପୀଠରେ ବୃକ୍ଷରୋପଣ କାର୍ଯ୍ୟ କରାଯାଇଥିଲା ।
Popular Categories
Previous article
Next article