ଖଣ୍ଡଗିରି: ଭରତପୁର ଥାନା ନିକଟସ୍ଥ ଏକ ଘରୋଇ ହସ୍ପିଟାଲ ପାଖରେ ଥିବା ଏକ ଏହି ହୋଟେଲରେ ଚାଲିଥିଲା ଯୌନ କାରବାର। ଭରତପୁର ଥାନା ପୁଲିସ ଅତର୍କିତ ଭାବେ ଚଢ଼ଉ କରି ୮ ବଙ୍ଗୀୟ ଯୁବତୀଙ୍କୁ ଉଦ୍ଧାର କରିଥିବାବେଳେ ଦୁଇଜଣ ଗ୍ରାହକଙ୍କୁ ଅଟକ ରଖି ପଚରାଉଚରା କରୁଛି। ହୋଟେଲ ମାଲିକ ଫେରାର ହୋଇଯାଇଥିବା ଜଣାପଡ଼ିଛି। ପୁଲିସ ନଗଦ ଟଙ୍କା, କିଛି ଆପତ୍ତି ଜନକ ଜିନିଷ, ୧୦ରୁ ଅଧିକ ମୋବାଇଲ ଫୋନ୍, ଔଷଧ ଓ ମଦ ଆଦି ଜବତ କରିଛି। ଉଦ୍ଧାର ଯୁବତୀମାନଙ୍କୁ ପୁଲିସ ଅଟକ ରଖି ପଚରାଉଚରା କରୁଛି। ଅଟକ ଥିବା ଦୁଇ ଗ୍ରାହକ ହେଲେ ଗଞ୍ଜାମ ହିଞ୍ଜିଳିକାଟୁର ସନ୍ତୋଷ ପ୍ରଧାନ ଓ ପୁରୀର ପ୍ରମୋଦ କୁମାର ପୃଷ୍ଟି। ଆଜି ଉଭୟଙ୍କୁ ଅଦାଲତ ଚାଲାଣ କରାଯିବ ବୋଲି ଭରତପୁର ଥାନା ଅଧିକାରୀ ସୂଚନା ଦେଇଛନ୍ତି।
ଗତବର୍ଷ ଆଇଗଣିଆରେ ଥିବା ଏକ ଓୟେ ହୋଟେଲରୁ ଖଣ୍ଡଗିରି ଥାନା ପୁଲିସ ୬ ବଙ୍ଗୀୟ ଯୁବତୀଙ୍କୁ ଉଦ୍ଧାର କରିଥିବା ବେଳେ ୪ ଗ୍ରାହକଙ୍କୁ ଗିରଫ କରିଥିଲା।: ଓୟେର ମାଲିକ ବଙ୍ଗୀୟ ଯୁବତୀମାନଙ୍କୁ ଆଣି ଚଳାଇଥିଲେ ଦେହ କାରବାର। ଭରତପୁର ଥାନା ଅଧିକାରୀ ବିଶେଷ ସୂତ୍ରରୁ ଖବର ପାଇ ଓୟେ ହୋଟେଲରେ ଅତର୍କିତ ଭାବେ ଶନିବାର ରାତି ୮ଟାରେ ଚଢ଼ଉ କରିଥିଲେ । ପୁଲିସକୁ ଦେଖି ହୋଟେଲ ମାଲିକ ଖସି ପଳାଇଥିବା ବେଳେ ପୁଲିସ ରୁମକୁ ଘେରି ଯାଇଥିଲେ। ଯୁବତୀମାନେ ରୁମ ଭିତରେ ଅସଂଜତ ଅବସ୍ଥାରେ ଥିବାବେଳେ ପୁଲିସ ଦୁଇ ଗ୍ରାହକଙ୍କୁ କାବୁ କରିଥିଲା।
