ରଖେ ହରି ମାରେ କିଏ , ଟ୍ରକ ଧକ୍କାପରେ ୬ଫୁଟ ଶୂନ୍ୟରେ ଉଠିଯାଇଥିବା ବ୍ୟକ୍ତିଙ୍କ ହେଲାନି କିଛି କ୍ଷତି
ହାଇଦ୍ରାବାଦ . – ରଖେ ହରି ମାରେ କିଏ । ଏପରି ଏକ ଘଟଣା ତେଲେଙ୍ଗାନାର ରଙ୍ଗା ରେଡି ଜିଲ୍ଲାରେ ଘଟିଛି . । କେବଳ ସେତିକି ନୁହେଁ ପୁରା ଘଟଣାଟିର ଦୃଶ୍ୟ ସିସିଟିଭିରେ କଏଦ ହୋଇଛି । ସବୁ ବେଳେ ସମସ୍ତଙ୍କୁ ଟ୍ରାଫିକ ନିୟମ ମାନିବାକୁ କୁହାଯାଇଥାଏ । ମାତ୍ର ବେଳେ ବେଳେ ରାସ୍ତା କାମ ହେଉଛି କି ରାସ୍ତାର ମରାମତି କିମ୍ବା ରାଜନୈତିକ ଦଳର ରାଲି ଲୋକ ବାଧ୍ୟ ହୋଇଥାଆନ୍ତି ଟ୍ରାଫିକ ନିୟମରେ ବିରୋଧରେ ଯିବା ପାଇଁ ।
ଏପରି ଘଟଣା ରଙ୍ଗାରେଡି ଜିଲ୍ଲାରେ ଘଟିଛି । ହାଇଦ୍ରାବାଦ ନିକଟସ୍ଥ ଏହି ଜିଲାର ରାସ୍ତାର ଗୋଟିଏ ପାର୍ଶ୍ୱରେ ତେଲେଙ୍ଗାନା ରାଷ୍ଟ୍ରୀୟ ସମିତିର ରାଲି ଚାଲିଥିବାରୁ ସେହି ରାସ୍ତା ବନ୍ଦ ଥିଲା । ସେଥିପାଇଁ ସମସ୍ତ ଗାଡି ମଟର ଓ ଲୋକ ଅନ୍ୟ ପାର୍ଶ୍ୱର ରାସ୍ତାରେ ଯିବା ଆସିବା କରୁଥିଲେ । ଏତିକି ବେଳେ ମିନି ଟ୍ରକ ବିପରୀତ ଦିଗରୁ ଆସୁଥିବା ଜଣେ ବାଇକ୍ ଚାଳକଙ୍କୁ ଧକ୍କା ଦେଇଥିଲା । ବାଇକ୍ ଚାଳକ ଶୂନ୍ୟରେ ୬ ଫୁଟ ଉଠିଯାଇ ତଳେ ପଡିଥିଲେ । ପରେ ନିଜେ ଉଠି ବାଇକକୁ ଉଠାଇ ଥିଲେ । ବାଇକ୍ ଚାଳକ ଜଣକ ସୌଭାଗ୍ୟ ବଶତଃ ବଞ୍ଚିଯାଇଛନ୍ତି । ତାଙ୍କର ବିଶେଷ କିଛି କ୍ଷତି ହୋଇନି । ମାତ୍ର ଦେଶରେ ରାଜନୈତିକଦଳ ହେଉନ୍ତୁ କି ବିଭିନ୍ନ ସଙ୍ଗଠନ ରାଲି ପାଇଁ ରାସ୍ତା ବନ୍ଦ କରୁଥିବାରୁ ବିଭିନ୍ନ ସମୟରେ ଦୁର୍ଘଟଣା ଘଟୁଥିବ ଅନେକ ଲୋକ ସାମାଜିକ ଗଣମାଧ୍ୟମରେ ପ୍ରକାଶ କରିଛନ୍ତି ।
