ଆଠଗଡ : ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ କଲେଜର ୨ଜଣ ରୋଭର ଓ ୫ଜଣ ରେଞ୍ଜର ରାଜ୍ୟସ୍ତରୀୟ ପରୀକ୍ଷାରେ କୃତିତ୍ୱ ଅର୍ଜନ କରି ପୁରସ୍କୃତ ହୋଇଥିବା ଜଣାପଡିଛି । ଓଡିଶା ରାଜ୍ୟ ଭାରତ ସ୍କାଉଟ୍ସ ଓ ଗାଇଡ୍ସ ସଂସ୍ଥାର ମୁଖ୍ୟାଳୟ ପକ୍ଷରୁ ରାଜ୍ୟସ୍ତରୀୟ ପୁରସ୍କାର ପାଇଁ ଏକ ପରୀକ୍ଷା କରାଯାଇଥିଲା । ଯେଉଁଥିରେ ଆଠଗଡ କଲେଜର ଏହି ରେଞ୍ଜର ଦିପି ସାହୁ, ଦିପ୍ତୀମୟୀ ସାମଲ, ସନ୍ଧ୍ୟାରାଣୀ ସାହୁ, ପ୍ରଣତି ପ୍ରଧାନ ଓ ମୋନାଲିସା ମନ୍ତ୍ରୀ ଏବଂ ୨ଜଣ ରୋଭର ଓ ବିଶ୍ୱଜିତ୍ ନାୟକ ଓ ରାକେଶ ସାହୁ ଏହି ପରୀକ୍ଷାରେ କୃତିତ୍ୱ ଅର୍ଜନ କରି ରାଜ୍ୟପାଳ ପ୍ରମାଣପତ୍ର ପାଇବା ପାଇଁ ଯୋଗ୍ୟ ବିବେଚିତ ହୋଇଥିଲେ। କଲେଜରେ ୨୧ତାରିଖ ଦିନ ସଦ୍ଭାବନା ଦିବସ ପାଳନ ଅବସରରେ ଅଧ୍ୟକ୍ଷ ଡକ୍ଟର ଲୋକନାଥ ସାହୁ ଏହି କୃତି ରୋଭର ଓ ରେଞ୍ଜରଙ୍କୁ ରାଜ୍ୟପାଳ ପ୍ରମାଣପତ୍ର ପ୍ରଦାନ କରି ସେମାନଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ। ରେଞ୍ଜର ଲିଡର ଅଧ୍ୟାପିକା ସୁରେଖା ଦାସ ଏହି କାର୍ଯ୍ୟକ୍ରମ ସଂଯୋଜନା କରିବା ସହ କୃତି ରୋଭର ଓ ରେଞ୍ଜରଙ୍କୁ ଅଭିନନ୍ଦନ ଜଣାଇଥିଲେ।
Popular Categories
Previous article
Next article