ରେଙ୍ଗାଲିକେମ୍ପ : .ଚୋରା ବାଲି କାରବାର ଦୀର୍ଘ ଦିନ ଧରି ଅଞ୍ଚଳରେ କାୟା ବିସ୍ତାର କରି ଆସୁଅଛି।ବାଲି ମାଫିଆ ମାନଙ୍କ ମନମୁଖୀ ଦୌରାତ୍ମ୍ୟ ରେ ଅଞ୍ଚଳରେ ନାହିଁ ନଥିବା ଭୟ ଓ ଦୁର୍ଘଟଣା ସୃଷ୍ଟି ହୋଇଛି।କିନ୍ତୁ ଆଜି ଅତାବିରା ଅତିରିକ୍ତ ତହସିଲଦାର ତଥା ଏନ୍ ଏ ସି କାର୍ୟ୍ୟ ନିର୍ବାହୀ ଅଧିକାରୀ ସୌର୍ୟ୍ୟ ରଞ୍ଜନ ମିଶ୍ର ଏହା ବିରୋଧରେ ତତ୍ପରତା ମୂଳକ ଭାବେ ପଦକ୍ଷେପ ନେବା ଆରମ୍ଭ କରିଛନ୍ତି ।ଆଜି ବରଗଡ଼ରୁ ଗୋଡ଼ଭଗା ପଟକୁ ଆସୁଥିବା ଏକ ଚିରା ବାଲି ବୋଝେଇ ହାଇୱା ନଂ ଙଜ୧୫ଛ୪୮୩୩ କୁ ସରଣ୍ଡା ପାଖରେ ଚକୁଲିଫାର୍ମ ଠାରେ ଧରି ୩୦ହଜାର ଟଙ୍କା ଜୋରିମାନା କରିବା ସହ ହାଇୱା ଡ୍ରାଇଭର ଲମ୍ବୋଦର ଜେନା ଙ୍କ ନାମରେ କେସ ନଂ ୧୭୧/୨୧ରେ ଏକ କେସ ରୁଜୁ କରିଥିଲେ ।
ଠିକ୍ ସେମିତି ଟାମ୍ପରସରା ରେ ଏକ ଟ୍ରାକ୍ଟର ମାଲିକ ନିଜ ଟ୍ରାକ୍ଟର ନଂ ଙଊ ୧୫ଊ୭୩୧୮ ରେ ଏକ ସରକାରୀ ଜମିରୁ ମାଟି ହାଣି ଚୋରି କରି ନେଉଥିବା ସମୟରେ ତାକୁ ମଧ୍ୟ ଧରି ୧୫ ହଜାର ଟଙ୍କା ଜୋରିମାନା କରିଥିଲେ। ଉଭୟ ହାଇୱା ଡ୍ରାଇଭର ଓ ଟ୍ରାକ୍ଟର ମାଲିକ ଯଦି ପରବର୍ତ୍ତୀ ସମୟରେ ବିନା କାଗଜ ପତ୍ର ରେ ଏମିତି ଚୋରା ବାଲି ଓ ମାଟି ଚାଲାଣ କରୁଥିବା ଧରାପଡିଲେ ଆଇନ୍ ଅନୁଯାୟୀ କଠୋର ଦଣ୍ଡରେ ଦଣ୍ଡିତ ହେବେ ବୋଲି ଶ୍ରୀ ମିଶ୍ର କହିଥିଲେ।ତେବେ ଉଭୟେ ଏହାକୁ ମାନି ନେବାରୁ ଗାଡ଼ି ଗୁଡ଼ିକୁ ଛାଡିଥିଲେ।ତେବେ ଏହି ଚୋରା ବାଲି ଓ ମାଟି ଗାଡ଼ି ଧରିବା ସମୟରେ ତାଙ୍କ ସାଥିରେ ଚକୁଳି ଆର୍ ଆଇ ସ୍ନୁରୁତ ପଣ୍ଡା ଓ ଟାମ୍ପରସରା ର ଆର୍ ଆଇ ବିଷ୍ଣୁପ୍ରିୟା ଭୋଇ,କର୍ମଚାରୀ ପ୍ରଦୀପ ପ୍ରଧାନ,ଗିରିଶ ଚନ୍ଦ୍ର ପଣ୍ଡା ଉପସ୍ଥିତ ଥିଲେ।
