ଭୁବନେଶ୍ବର: ଆଜି ଥିଙ୍କର୍ସ କ୍ଲବର ୭ମ ୱେବିନାର ଅନୁଷ୍ଠିତ ହୋଇଯାଇଛି। ପୁଣ୍ୟାତ୍ମା ଉତ୍କଳମଣି ଗୋପବନ୍ଧୁଙ୍କ ଅଲିଭା ସ୍ମୃତିକୁ ଉତ୍ତରପିଢ଼ୀଙ୍କ ପାଇଁ ସାଇତି ରଖିବାକୁ କଟକ-ଭୁବନେଶ୍ୱର ଟ୍ବିନ ସିଟିରେ ଏକ ସଂଗ୍ରହାଳୟ ଖୋଲିବା ନେଇ ୱେବନାରରେ ବକ୍ତାମାନଙ୍କ ପକ୍ଷରୁ ଗୁରୁତ୍ୱ ଆରୋପ କରା ଯାଇଥିଲା। ସେହିପରି ଗୋପବନ୍ଧୁଙ୍କ ସାହିତ୍ୟ, ସମାଜସେବା , ସାମ୍ବାଦିକତା, ଆଧ୍ୟାତ୍ମିକତା ଚିନ୍ତନ ଆଦି ପ୍ରସଙ୍ଗ ସମ୍ପର୍କରେ ଆଲୋଚନା କରାଯିବ ମତ ପ୍ରକାଶ ପାଇଥିଲା।
- Advertisement -
ପୂର୍ବତନ କୁଳପତି ତଥା କିଟ ବିଶ୍ୱବିଦ୍ୟାଳୟର ଆଧ୍ୟାତ୍ମିକ ଧର୍ମ ବିଦ୍ୟା ଅଧ୍ୟୟନ କେନ୍ଦ୍ରର ଅଧକ୍ଷ ଡ଼ ହରେକୃଷ୍ଣ ଶତପଥୀ ଓ ବିଦ୍ୟାଳୟ ଗଣଶିକ୍ଷା ବିଭାଗର ଅତିରିକ୍ତ ଶାସନସଚିବ ଶୁଭଶ୍ରୀ ନନ୍ଦ ମୁଖ୍ୟବକ୍ତା ଓ ଅତିଥି ବକ୍ତା ଭାବେ ଯୋଗ ଦେଇ ବକ୍ତବ୍ୟ ପ୍ରଦାନ କରିଥିଲେ। ଥିଙ୍କର୍ସ କ୍ଲବ ସଭାପତି ବରଦା ପ୍ରସନ୍ନ ଦାସ କାର୍ୟ୍ୟକ୍ରମକୁ ସଂଯୋଜନା କରିଥିଲେ।
