କଟକ ସଦର : କଟକ ବିଦ୍ୟାଧରପୁରସ୍ଥିତ ଜାତୀୟ ଧାନ ଗବେଷଣା କେନ୍ଦ୍ରରୁ ଉନ୍ନତମାନ ୯ଟି ନୂତନ କିସମ ଧାନ ଉଦ୍ଭାବିତ ହୋଇଛି ବୋଲି ନିର୍ଦେଶକ ଡଃ ଦୀପଙ୍କର ମାଇତି କହିଛନ୍ତି। ୧୯୬୮ ମସିହାରୁ ନୂତନ ଧାନ କିସମ ଉଦ୍ଭାବନ ହେବା ଦିନଠୁ ଆଜିର ଏହି ୯ ଗୋଟି ନୂତନ ଧାନ କିସମକୁ ମିଶାଇ ଆଜି ସୁଦ୍ଧା ୧୫୪ ଧାନ କିସମ ଉଦ୍ଭାବିତ ହୋଇଥିବା କୁହାଯାଇଛି। ଏହି ଧାନ କିସମକୁ ବୈଜ୍ଞାନିକ ଡଃ ଶରତ ଚନ୍ଦ୍ର ପ୍ରଧାନ, ଡଃ ସୁଶାନ୍ତ ଦାସ, ଡଃ ମୀରା କୁମାରୀ କର, ଡଃ କ୍ରିଷ୍ଣେନ୍ଦୁ ଚଟ୍ଟୋପଧ୍ୟାୟ ଓ ଡଃ ରାମ ଲକ୍ଷ୍ମଣ ବର୍ମା ପ୍ରମୁଖଙ୍କ ନେତୃତ୍ବରେ କରାଯାଇଛି। ବୈଜ୍ଞାନିକ ଡଃ ଶରତ ପ୍ରଧାନଙ୍କ ଦ୍ୱାରା ଉଦ୍ଭାବିତ ୩ଟି ନୂତନ କିସମ ଧାନ ମଧ୍ୟରେ ସି.ଆର୍. ଧାନ ୪୧୩, ସି.ଆର୍. ଧାନ ୫୧୨ ଓ ତୃତୀୟଟି ସି.ଆର୍. ଧାନ ୮୦୩ ରହିଛି।
ସେହିପରି ଡଃ ସୁଶାନ୍ତ ଦାସଙ୍କ ନେତୃତ୍ୱରେ ସିଆର୍ ଧାନ ୩୧୬, ଡଃ ମୀରା କୁମାରୀ କରଙ୍କ ନେତୃତ୍ୱରେ ସିଆର୍ ୩୧୭, ଡଃ କ୍ରିଷ୍ଣେନ୍ଦୁ ଚଟ୍ଟୋପଧ୍ୟାୟଙ୍କ ଦ୍ୱାରା ଉଦ୍ଭାବିତ ଦୁଇ କିସମର ଧାନ ମଧ୍ୟରୁ ସ୍ୱର୍ଣ୍ଣାଞ୍ଜଳି ଧାନ ଅଧିକ ପୃଷ୍ଟିସାର ଯୁକ୍ତ ଧାନ ହୋଇଥିବାବେଳେ କିସମଟି ସି.ଆର୍. ଧାନ ୪୧୧ ଓ ଅନ୍ୟ କିସମଟି ସିଆର୍ ଧାନ ୪୧୨। ସେହିପରି ଡଃ ରାମଲକ୍ଷ୍ମଣ ବର୍ମାଙ୍କ ଦ୍ୱାରା ଉଦ୍ଭାବିତ ଶଙ୍କର କିସମ ଦୁଇ ନୂତନ ଧାନ ମଧ୍ୟରୁ ସି.ଆର୍. ଧାନ ୭୦୨ ଓ ଶଙ୍କର ୭୦୩ କିସମ। ଏହି ଧାନରୁ ଲମ୍ବା ସରୁ ଚାଉଳ ପ୍ରସ୍ତୁତ ସମ୍ଭବ।
୯ଟି ନୂତନ ଧାନ କିସମ ଉଦ୍ଭାବିତ
Popular Categories
Previous article
Next article