ଆଠଗଡ: ଆଠଗଡର ଅନ୍ୟତମ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଆଠଗଡ ବିକାଶ ମଞ୍ଚ ପକ୍ଷରୁ କଟକିଆସାହି ପଞ୍ଚାୟତରେ କରୋନା ସଚେତନତା କରାଯିବା ସହ ଲୋକଙ୍କୁ ତୁଣ୍ଡି, ସାବୁନ ଓ ଝିଅଙ୍କୁ ସାନିଟାରୀ ପ୍ୟାଡ ବଣ୍ଟନ କରାଯାଇଛି। ବିକାଶ ମଞ୍ଚର ପ୍ରତିଷ୍ଠାତା ସଭାପତି ତଥା ସମାଜସେବୀ ମାନସରଞ୍ଜନ ବସ୍ତିଆ ନିଜେ ଅନ୍ୟ ସହଯୋଗୀଙ୍କ ସହ କଟକିଆସାହି ପଞ୍ଚାୟତର ପାଟେଣିଗାଁ ଗ୍ରାମରେ ଲୋକଙ୍କୁ କରୋନା ମହାମାରୀରୁ କିପରି ନିଜକୁ ସୁରକ୍ଷିତ ରଖିବେ ସେ ସଂପର୍କରେ ବୁଝାଇବା ସହ ଜ୍ୱରମାପକ ଯନ୍ତ୍ର ସାହାଯ୍ୟରେ ସମସ୍ତଙ୍କର ଜ୍ୱର ମାପିଥିଲେ। ଏଥିସହିତ ଲୋକମାନଙ୍କୁ ତୁଣ୍ଡି, ସାବୁନ ଏବଂ ଝିଅ ଓ ମହିଳାମାନଙ୍କୁ ସାନିଟାରୀ ପ୍ୟାଡ ବଣ୍ଟନ କରିଥିଲେ। ବିକାଶ ମଞ୍ଚର ଏପରି ଜନହିତକର କାର୍ଯ୍ୟକୁ ପାଟେଣିଗାଁ ବାସୀ ପ୍ରଂଶସା କରିଥିଲେ।
Popular Categories
Previous article
Next article