:ଭୁବନେଶ୍ୱର: ରାଜଧାନୀରେ ଦିନକୁ ଦିନ ଗଞ୍ଜେଇ ଚୋରା ଚାଲାଣ ବୃଦ୍ଧି ପାଇବାରେ ଲାଗିଛି। ବିଭିନ୍ନ ସମୟରେ ରାଜଧାନୀର ଅନେକ ସ୍ଥାନରୁ ବିପୁଳ ପରିମାଣର ଗଞ୍ଜେଇ ଜବତ ହେଉଛି। ଆଜି ଭୁବନେଶ୍ବର ରେଳ ଷ୍ଟେସନରୁ ୧୫ କିଲୋରୁ ଅଧିକ ଗଞ୍ଜେଇ ଜବତ କରାଯାଇଛି ଏବଂ ଗଞ୍ଜେଇ ଚାଲାଣ ଅଭିଯୋଗରେ ୨ଜଣ ପୁଲିସକୁ ଗିରଫ କରାଯାଇଛି।
ବିଶ୍ୱସ୍ତ ସୂତ୍ରରୁ ଖବର ପାଇ କ୍ରାଇମ ବ୍ରାଞ୍ଚ ଏବଂ ଆରପିଏଫ ପକ୍ଷରୁ ଭୁବନେଶ୍ୱର ରେଳ ଷ୍ଟେସନ ଠାରେ ଅତର୍କିତ ଚଢ଼ାଉ କରାଯାଇଥିଲା। ଏହି ଚଢ଼ାଉ ସମୟରେ ୨ ଜଣ କିନ୍ନରଙ୍କ ଠାରୁ ପ୍ରାୟ ୧୫ କିଲୋଗ୍ରାମରୁ ଅଧିକ ଗଞ୍ଜେଇ ଜବତ ହୋଇଥିଲା। ଜବତ ଗଞ୍ଜେଇର ଆନୁମାନିକ ମୂଲ୍ୟ ଦେଢ଼ ଲକ୍ଷ ଟଙ୍କାରୁ ଅଧିକ ହେବ ବୋଲି କୁହାଯାଉଛି। ଗଞ୍ଜେଇ ଚାଲାଣ କରିବା ଅଭିଯୋଗରେ ସେହି ୨ଜଣଙ୍କୁ କିନ୍ନରଙ୍କୁ ଗିରଫ କରାଯାଇଛି। ଅଭିଯୁକ୍ତ ୨ ଜଣ ହେଲେ ଲକ୍ଷ୍ମୀଧର ମହାନ୍ତି ଓରଫ ଲିଜା ଓ ବସନ୍ତ ସ୍ୱାଇଁ ଓରଫ ବାସନ୍ତୀ ବୋଲି ଜଣାପଡ଼ିଛି।
ଗିରଫ କିନ୍ନର କହିଛନ୍ତି ଯେ କନ୍ଧମାଳର ଜଣେ ବ୍ୟକ୍ତି ୧୬ କିଲୋଗ୍ରାମରୁ ଅଧିକ ଗଞ୍ଜେଇ ଦେଇଥିଲା ଏବଂ ତାହା ସୁରତରେ ପହଞ୍ଚାଇବାକୁ କହିଥିଲା। ଏଥିପାଇଁ ସେହି ବ୍ୟକ୍ତି ଜଣଙ୍କ କିନ୍ନର ଦୁଇଜଣଙ୍କୁ ୧୬ହଜାର ଟଙ୍କା ଦେଇଥିଲା। ଏବେ ତାଲାବନ୍ଦ ଯୋଗୁ କାମଧନ୍ଦା ଅଭାବରୁ ସେମାନେ ଏଭଳି ପନ୍ଥା ଆପଣେଇଥିବା ପ୍ରକାଶ କରିଛନ୍ତି।
