ମୋହନା: ଗଜପତି ଓ ଗଞ୍ଜାମ ଜିଲା ସୀମାନ୍ତର ହାରିଆଗୁଡା ନିକଟରେ ଭାରସାମ୍ୟ ହରାଇ ଏକ ଯାତ୍ରୀବାହୀ ଅଟୋ ଦୁର୍ଘଟଣାଗ୍ରସ୍ତ ହୋଇଛି। ଏହି ଅଟୋଟି ଭାରସାମ୍ୟ ହରାଇ ରାସ୍ତା କଡରେ ଓଲଟି ପଡ଼ିଛି। ଏଥିରେ ସବାରୀ ହୋଇଥିବା ଗୋଟିଏ ପରିବାର ୭ଜଣ ଆହତ ହୋଇଛନ୍ତି। ଘଟଣାରୁ ପ୍ରକାଶ ବଡ଼ଗଡ଼ ଥାନା ଅନ୍ତର୍ଗତ କେରାଞ୍ଜୁଳି ଗ୍ରାମରୁ ଗୋଟିଏ ପରିବାରର ୧୦ରୁ ଉର୍ଦ୍ଧ୍ୱ ବ୍ୟକ୍ତି ଏକ ଯାତ୍ରୀବାହୀ ଅଟୋ ନଂ ଓଆରା ୧୮ଇ୫୨୯୭ ଯୋଗେ ହାରିଆଗୁଡ଼ା ଆସୁଥିବା ବେଳେ ହାରିଆଗୁଡ଼ା ବୁଲାଣି ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା। ଯାହାଫଳରେ ଚାଳକ ସମେତ ୭ଜଣଙ୍କୁ ଆଘାତ ଲାଗିଛି । ସେମାନଙ୍କ ମୁଣ୍ଡ, ଗୋଡ଼ରେ ଆଘାତ ଲାଗିଛି। ଅଟୋରେ ବସିଥିବା ଛୋଟ ପିଲା ୫ଜଣ ମଧ୍ୟ ଆହତ ହୋଇଛନ୍ତି। ଆହତମାନେ ହେଲେ ମେରିଆ ମଳିକ(୪୦) ,ମାର୍ରୀ ମଳିକ(୫୦),ରାଜୀବ ମଳିକ(୪୫),ଜୀତ ବର୍ଦ୍ଧନ(୦୬),ୟୁଶ ବର୍ଦ୍ଧନ(୩),ସ୍ଵାତୀ ମଳିକ(୨ବର୍ଷ ) ,ପ୍ରୋଭିଜନ ମଳିକ(୦୯) । ସମସ୍ତ ଆହତଙ୍କୁ ଅନ୍ୟ ଏକ ଅଟୋ ଯୋଗେ ଅଡବା ସ୍ୱାସ୍ଥ୍ୟ ଉପକେନ୍ଦ୍ରରେ ଚିକିତ୍ସା କରାଯିବା ପରେ ନିଜ ଗ୍ରାମକୁ ପଠାଯାଇଥିବା ଜଣାପଡିଛି।
Popular Categories
Previous article
Next article