ଧୋନିଙ୍କ ରେକର୍ଡ ଭାଙ୍ଗିଲେ ବିରାଟ; ଭାରତ ପକ୍ଷରୁ ସର୍ବାଧିକ ଟେଷ୍ଟ ଅଧିନାୟକ ହେବାରେ ନୂଆ ରେକର୍ଡ

ସାଉଥଆମ୍ପଟନ: ଏଠାରେ ଚାଲିଥିବା ଆଇସିସି ବିଶ୍ୱ କ୍ରିକେଟ ଚମ୍ପିଆନସିପର ଫାଇନାଲ ମ୍ୟାଚରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ରେକର୍ଡ ଭାଙ୍ଗିଛନ୍ତି। ଭାରତ ପକ୍ଷରୁ ଟେଷ୍ଟ କ୍ରିକେଟରେ ସର୍ବାଧିକ ମ୍ୟାଚରେ ଅଧିନାୟକ ହେବାରେ ସେ ଏହି ନୂଆ ରେକର୍ଡ ସୃଷ୍ଟି କରିଛନ୍ତି। ରୋଜ ବାଉଲଠାରେ ଶନିବାର ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଅନୁଷ୍ଠିତ ମ୍ୟାଚରେ କୋହଲି ତାଙ୍କ କ୍ୟାରିୟରରେ ଭାରତ ପକ୍ଷରୁ ୬୧ଟି ଟେଷ୍ଟମ୍ୟାଚର ଅଧିନାୟକତ୍ୱ କରିବା ସହିତ ଧୋନିଙ୍କ ରେକର୍ଡ ଭଙ୍ଗ କରିଥିଲେ। ପୂର୍ବରୁ ଧୋନି ଭାରତ ପକ୍ଷରୁ ୬୦ଟି ଟେଷ୍ଟ ମ୍ୟାଚରେ ଭାରତୀୟ ଦଳର ଅଧିନାୟକତ୍ୱ କରିଥିଲେ। ସୂଚନାଯୋଗ୍ୟ ଯେ ଧୋନି ୨୦୧୪ରେ ଟେଷ୍ଟ କ୍ରିକେଟରୁ ବିଦାୟ ନେବା ବିଷୟ ଘୋଷଣା କରିବା ପରେ କୋହଲିଙ୍କୁ ଦଳର ଅଧିନାୟକ କରାଯାଇôଥଲା। କୋହଲି ଆଇସିସିର ସମସ୍ତ ଫର୍ମାଟ କ୍ରିକେଟ ଫାଇନାଲରେ ଖେଳିବା କ୍ଷେତ୍ରରେ ପ୍ରଥମ କ୍ରିକେଟ ଖେଳାଳି ହେବା ରେକର୍ଡ ମଧ୍ୟ ପ୍ରତିଷ୍ଠା କରିଛନ୍ତି।