ମୋହନା: ଗଜପତି ଜିଲ୍ଲାର ରା. ଉଦୟଗିରି, ନୂଆଁଗତ ଓ ମୋହନା ଅଞ୍ଚଳରୁ ପ୍ରତ୍ୟେକ ମାସରେ ଶହଶହ ଗାଇଗୋରୁମାନଙ୍କୁ ଅମାନୁଷନିକ ଭାବେ ନିର୍ଯ୍ୟାତନା ଦେଇ ଗାଡ଼ି ଡାଲାରେ ଭର୍ତ୍ତିକରି ବାହାର ରାଜ୍ୟର କଂସେଇଖାନାକୁ ଅବାଧରେ ଚାଲାଣ ହେଉଛି। ଏହା ଏହି ସମସ୍ତ ବ୍ଳକର ନିତି ଦିନିଆ ଘଟଣା। ସବୁ ଜାଣି ମଧ୍ୟ ପ୍ରଶାସନ ନିରବଦ୍ରଷ୍ଟା । ଗତ ୦୪/୦୬ ରାତିରେ ମୋହନାରୁ ୧୮ଟି ଗୋରୁକୁ ଆନ୍ଧ୍ରପ୍ରଦେଶର ହାଇଦରାବାଦ ସହରର କଂସେଇଖାନାକୁ ଚାଲାଣ ହେଉଥିବା ବେଳେ ସ୍ଥାନୀୟ ଯୁବକ ସଂଘର କର୍ମକର୍ତାମାନେ ମିଳିତ ଭାବେ କଲେଜଛକ ଠାରେ ଏକ ଟ୍ରକକୁ ଜବତ କରି ପୁଲିସରେ ଜିମା ଦେଇଥିଲେ। ସେହିପରି ଗୁରୁବାର ଦିନ ସକାଳେ ରା.ଉଦୟଗିରି ଗ୍ରାମର କିଛି ବ୍ୟକ୍ତି ପ୍ରାତଃଭ୍ରମଣରେ ଯାଉଥିବା ବେଳେ ଚାନ୍ଦିପୁଟ ଅଞ୍ଚଳରୁ ଏକ ବୁଲେରୋ ପିକ ଅପ ଗାଡି ପାରଳାଖେମୁଣ୍ଡି ଆଡକୁ ଯାଉଥିଲା।
ଉକ୍ତ ଗାତିରେ ୬ଟି ଗୋରୁ ବୋଝେଇ ହୋଇଯିବା ସମୟରେ ଗ୍ରାମବାସୀ ଗାତିକୁ ଦେଖି ଅଟକାଇ ପୁଲିସକୁ ଖବର ଦେଇଥିଲେ। ପୁଲିସ ଘଟଣା ସ୍ଥଳରେ ପହଞ୍ଚିବା ସମୟରେ ଗାତିରେ ବସିଥିବା ଗୋରୁ ମାଫିଆମାନେ ସେଠାରୁ ଚମ୍ପଟ ମାରିଥିଲେI ପୁଲିସ ଘଟଣା ସ୍ଥଳରୁ ୬ଟି ଗୋରୁ ଓ ଗାଡ଼ିକୁ ଜବତ କରି ରା.ଉଦୟଗିରି କେସନଂ-୬୩ରେ ମାମଲା ରୁଜ୍ଜୁ କରି ଗାଇଗୁଡିକୁ ଜୀବନ୍ୟାସ ସୁନ୍ଦରାୟ ପାତ୍ରକୁ ହସ୍ତାନ୍ତର କରିଥିବା ଥାନା ଅଧିକାରୀ ରବିନ୍ଦ୍ର ପଣ୍ଡା ସୂଚନା ଦେଇଛନ୍ତିI
