ପୁରୀ: ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ଅସ୍ଥି ଭୁବନେଶ୍ୱର ସ୍ଥିତ ବିଜେପି କାର୍ୟ୍ୟାଳୟରୁ ବାହାରି ବିରାଟ ଶୋଭାଯାତ୍ରାରେ ପୁରୀରେ ପହଞ୍ଚିଛି । କେନ୍ଦ୍ରମନ୍ତ୍ରୀଙ୍କ ସମେତ ଅନେକ ନେତା, କର୍ମୀ ଓ ହଜାର ହଜାର ପ୍ରଂଶସକ ଏହି ଶୋଭାଯାତ୍ରାରେ ସାମିଲ ହୋଇଛନ୍ତି । ଅଠରନଳା ନିକଟରୁ ଅସ୍ଥି କଳସକୁ ପଦ ଯାତ୍ରାରେ ନିଆଯାଇ ମହୋଦଧିରେ ବିସର୍ଜନ କରାଯିବ । ରାଜ୍ୟର ଆନ୍ୟ ୪ଟି ମହାନଦୀ, ବ୍ରାହ୍ମଣୀ, ବୈତରଣୀ ଓ ଋଷିକୂଲ୍ୟ ନଦୀରେ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ଚିତା ଭସ୍ମ ବିସର୍ଜନ ହେବ ବୋଲି ସୂଚନା ରହିଛି ।
ସୁଆଣ୍ଡୋ ସ୍ଵର୍ଗତଃ ପ୍ରଧାନମନ୍ତ୍ରୀ ଅଟଳବିହାରୀ ବାଜପାୟୀଙ୍କ ଚିତାଭସ୍ମକୁ ସାକ୍ଷୀଗୋପାଳରେ ବିପୁଳ ଜନତା ସ୍ବାଗତ ଜଣେଇଥିଲେ । କାଦୁଆ ଛକରେ ବିଜେପିର ଯୁବନେତା ଓମ୍ ପ୍ରକାଶ ମିଶ୍ର , ସାକ୍ଷୀଗୋପାଳ ବସଷ୍ଟାଣ୍ଡରେ ପୁର୍ବତନ ବିଧାୟକ ରମାରଞ୍ଜନ ବଳିୟାରସିଂହ ଓ ବୀରଗୋବିନ୍ଦ ପୁର ଠାରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଡବିଶ୍ଵନାଥ ରଥ ସମେତ ସହସ୍ରାଧିକ ଜନତା ଅଟଳଜୀଙ୍କ ଚିତାଭସ୍ମକୁ ଅଟଳଜୀ ଅମର ରହେ ନାରା ଦେବା ସହ ଭବ୍ୟ ସମ୍ବର୍ଦ୍ଧନା ଦେଇଥିଲେ । ଏଠାରୁ ପୁରୀ ଅଭିମୁଖେ ଶୋଭାଯାତ୍ରା ବାହାରିଥିଲା ।
