ଚୌଦ୍ୱାର: ସାରା ରାଜ୍ୟରେ ଲକଡାଉନ ଓ ସଟ୍ଡାଉନ ଜାରୀ ରହିବା ଫଳରେ ସାଧାରଣ ଲୋକଙ୍କ ଜୀବନ ଜୀବିକା ଉପରେ ଏହାର ଘୋର ପ୍ରଭାବ ପଡ଼ିଥିବା ଦେଖାଦେଇଛି। ବିଶେଷ କରି ଦିନମଜୁରିଆ,ଖଟିଖିଆ ଲୋକମାନେ ଅଭାବ ଅନାଟନରେ ଦୁର୍ଦ୍ଦଶା ଭିତରେ କାଳ କାଟୁଛନ୍ତି। ଏହି ପରିସ୍ଥିତିରେ ଚୌଦ୍ୱାରର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ୟୁଥ୍ ଫର ସେବା ତରଫରୁ ଅସହାୟ ମାନଙ୍କୁ ରନ୍ଧାଖାଦ୍ୟ ବଣ୍ଟନ କାର୍ଯ୍ୟ ହାତକୁ ନିଆଯାଇଛି।
ସଂଗଠନର ସଭାପତି ସାରଦା ରଞ୍ଜନ ପରିଜା, ରମା ଚରଣ ସାହୁ, ଅନିଲ କୁମାର ସାହୁ, ବନମାଳି ସାହୁ, କେଦାର ମହାନ୍ତି, ପ୍ରବୀଣ ପ୍ରଧାନ, ଚନ୍ଦନ ନାୟକ, ତପନ କୁମାର ଦାସ, ପ୍ରମୋଦ ସାମଲ, ପବିତ୍ର ଦାସ ଓ ୱାର୍ଡ ସଭାପତି ଆଶୁତୋଷ ଦାସ ପ୍ରମୁଖ ପୌରପାଳିକାର ୧୭ନଂ ୱାର୍ଡରେ ଥିବା ଏହିଭଳି ୧୨୦ଜଣ ପରିବାରର ଘରକୁ ଘରଯାଇ ରନ୍ଧା ଖାଦ୍ୟ ବଣ୍ଟନ କରିଥିଲେ। ଲକଡାଉନ ଚଲିଥିବା ଯାଏ ଏଭଳି କାର୍ଯ୍ୟର୍କମ ଜାରୀ ରହିବ ବୋଲି ସଭାପତି ସାରଦା ରଞ୍ଜନ କହିଛନ୍ତି।
