ଦେବଗଡ: ଦେବଗଡ ଥାନା ଅନ୍ତର୍ଗତ ସୁଗୁଡା ଗ୍ରାମଦେଇ ଯାଇଥିବା କାଳକଡର ଏକ ଗଛରୁ ଆଜି ଜଣେ ଯୁବକଙ୍କର ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମିଳିଥିବା ସୂଚନା ଅନୁଯାୟୀ ସୁଗୁଡା ହରିଜନ ସାହିର ସ୍ୱର୍ଗତଃ ବନ୍ଧୁ ପାତ୍ରଙ୍କ ପୁଅ ଗିରିଶ ଚନ୍ଦ୍ର ପାତ୍ର(୩୩) ଅନ୍ୟଦିନ ମାନଙ୍କ ଭଳି ଗତକାଲି ରାତ୍ରୀରେ ମଧ୍ୟ ଖିଆପିଆ ସାରି ନିଜ ଘରେ ଶୋଇଥିଲେ। ମାତ୍ର ଆଜି ସକାଳେ ତାଙ୍କର ମୃତଦେହ ଗ୍ରାମର କନ୍ଧସାହି ନିକଟସ୍ଥ ନାଳକଡରେ ଥିବା ଏକ ଗଛରେ ତାଙ୍କର ମୃତଦେହ ଝୁଲୁଥିବା ଦେଖିବାକୁ ମିଳିଥିଲା।
ପରିବାର ଲୋକେ ଏ ସମ୍ପର୍କରେ ଦେବଗଡ ଆଦର୍ଶ ଥାନା ପୁଲିସକୁ ସୂଚନା ଦେବାରୁ ପୁଲିସ ଘଟଣା ସ୍ଥଳରେ ପହଂଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ଦେବଗଡ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି। ସେହିପରି ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ମୃତ୍ୟୁର କାରଣ ବର୍ତ୍ତମାନ ପର୍ଯନ୍ତ ଜଣାପଡିନଥିଲେ ମଧ୍ୟ ଗିରିଶ ଗତ କିଛିଦିନ ହେଲା ଏକାଧିକ ରୋଗରେ ଅସୁସ୍ଥ ହୋଇପଡିବା ସହ ମାନସିକ ଭାରାକ୍ରାନ୍ତ ଥିବାରୁ ବେକରେ ରଶି ଲଗାଇ ଅତତ୍ମହତ୍ୟା କରିଥିବା ପୁଲିସ ଅନୁମାନ କରୁଛି।
ଗଛରୁ ଯୁବକଙ୍କର ଝୁଲନ୍ତା ମୃତଦେହ ଉଦ୍ଧାର : ଆତ୍ମହତ୍ୟା ସନ୍ଦେହ
Popular Categories
Previous article
Next article