ଯଦି ଆପଣ ଦୀର୍ଘ ଦିନ ଯାଏଁ ବଞ୍ଚିବାକୁ ଚାହାନ୍ତି ତେବେ ଭୋଜନରେ ଶ୍ବେତସାରର ମାତ୍ରା ସୀମିତ କରି ଦିଅନ୍ତୁ। କାରଣ ଆବଶ୍ୟକତା ଠାରୁ ଅଧିକ ବା କମ୍ ଶ୍ବେତସାରର ମାତ୍ରା ମୃତ୍ୟୁର କାରଣ ହୋଇପାରେ ବୋଲି ଏକ ସର୍ବେକ୍ଷଣରୁ ଏହା ଜଣାପଡିଛି।
ସର୍ବେକ୍ଷଣର ରିପୋର୍ଟ ଅନୁଯାୟୀ, ଶ୍ବେତସାର ୪୦ ପ୍ରତିଶତରୁ କମ୍ ଓ ୭୦ ପ୍ରତିଶତରୁ ଅଧିକ ସେବନ କରିବା ଦ୍ବାରା ପ୍ରାଣହାନିର ଆଶଙ୍କା ବଢିଯାଇଥାଏ । କିନ୍ତୁ ୫୦ରୁ ୫୫ ପ୍ରତିଶତ ଶ୍ବେତସାର ଗ୍ରହଣ କରୁଥିବା ଲୋକଙ୍କ କ୍ଷେତ୍ରରେ ଏହି ଆଶଙ୍କା କମ୍ ଥାଏ । ବହୁତ ଅଧିକ ବା ବହୁତ କମ୍ ଶ୍ବେତସାର ଶରୀର ପାଇଁ ହାନିକାରକ ହୋଇପାରେ ।
ସର୍ବକ୍ଷେଣରେ ୪୫ରୁ ୬୪ ବର୍ଷ ବର୍ଗର ପ୍ରାୟ ୧୫,୪୨୮ ଲୋକଙ୍କୁ ସାମିଲ କରାଯାଇଥିଲା। ପ୍ରତିଦିନ ପୁରୁଷ ପ୍ରତିଯୋଗୀ ୬୦୦-୪୨୦ କିଲୋ କ୍ୟାଲୋରୀ ଓ ମହିଳା ୫୦୦-୩୬୦୦ କିଲୋ କ୍ୟାଲୋରୀ ଗ୍ରହଣ କରୁଥିଲେ ।
ସର୍ବେକ୍ଷଣ ରିପୋର୍ଟ ଅନୁଯାୟୀ, ଆବଶ୍ୟକତାଠାରୁ କମ୍ ଓ ଆବଶ୍ୟକତାଠାରୁ ଅଧିକ ଶ୍ବେତସାର ଗ୍ରହଣ କରୁଥିବା ଲୋକଙ୍କ ଆୟୁଷ ତୁଳନାରେ ସୀମିତ ମାତ୍ରରେ ଶ୍ବେତସାର ଗ୍ରହଣ କରୁଥିବା ଲୋକଙ୍କ ଆୟୁଷ ଅଧିକ ଥିବା ଜଣାପଡିଛି ।
