ରେଙ୍ଗାଲି: ସମ୍ବଲପୁର-ରାଉରକେଲା ୧୦ ନମ୍ବର ରାଜ୍ୟ ରାଜପଥର ପଣ୍ଡାଲୋଇ ପାଖରେ ଥିବା ଶ୍ୟାମ୍ ମେଟାଲିକ୍ସ ଗେଷ୍ଟ୍ ହାଉସ୍ ନିକଟରେ ଥିବା ସର୍ଭିସ୍ ରୋଡର ଓଭର୍ ବ୍ରିଜ୍ରେ ଗତ ୧ ତାରିଖ ବିଳମ୍ବିତ ରାତିରେ ଏକ ଦୁର୍ଘଟଣା ଘଟି ରମେଶ ଯାଦବ(୪୬) ନାମକ ଜଣେକ ଯୁବ ଡ୍ରାଇଭରର ଶୋଚନୀୟ ମୃତ୍ୟୁ ହୋଇଯାଇଛି। ରେଙ୍ଗାଲି ଥାନାରେ ହାବିଲ୍ଦାର ସୁରେନ୍ଦ୍ର କୁମାର ସାହୁ ଆଜି ସକାଳୁ ପାଟ୍ରୋଲିଂ କରୁଥିବା ସମୟରେ ଏସଂକ୍ରାନ୍ତରେ ସୂଚନା ଥାନାରେ ରିପୋର୍ଟ କରିଥିଲେ। ଆଇଆଇସି ଧବଲେଶ୍ୱର ସାହୁ କେସ୍ ନଂ ୮୨ ଦଫା ୨୭୯/୩୦୪(ଏ) ଆଇପିସିରେ ମାମଲା ରୁଜ୍ଜୁ କରି ଶବ ଜବତ ଏବଂ ପଞ୍ଚନାମା କଲା ପରେ ବ୍ୟବଚ୍ଛେଦ ପାଇଁ ପଠାଇ ଏହାର ତଦନ୍ତ ଜାରି ରଖିଛନ୍ତି। ପୂଳିସ ତଦନ୍ତ ଏବଂ ପାରିପାଶ୍ୱିର୍କ ସ୍ଥିତି ରୁ ସିଜି-୧୫-ଏସି-୦୧୦୮ଟ୍ରକ୍ ଧକ୍କାରେ ରମେଶ ଯାଦବର ମୃତ୍ୟୁ ହୋଇଥିବାର କୁହାଯାଉଛି।
ଉତ୍ତରପ୍ରଦେଶ ଗାଜିପୁରର ବାସିନ୍ଦା ହୋଇଥିବା ମୃତ ରମେଶ ଜଣେ ଡ୍ରାଇଭର । ଦୁର୍ଘଟଣାରେ ମୃତକର ହାତ ଗୋଡ ଭାଙ୍ଗି ଯାଇଥିବା ସହିତ ମୁଣ୍ଡରେ ଗଭୀର କ୍ଷତ ହୋଇଥିବା ପୁଳିସ ସୁତ୍ରରୁ ପ୍ରକାଶ। କେଉଁ ପରିସ୍ଥିତିରେ କିପରି ସର୍ଭିସ ରୋଡରେ ଏହି ଦୁର୍ଘଟଣା ଘଟିଲା ପୁଳିସ ସେ ସଂକ୍ରାନ୍ତରେ ତନାଘନା କରୁଥିବାର ଜଣାଡିଛି। ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ମଧ୍ୟ ନାନା ସନ୍ଦେହ ସୃଷ୍ଟି ହେଉଥିବାରୁ ପୁଳିସ ଦୁର୍ଘଟଣା କୁ ଭିନ୍ନ ଦିଗ ରୁ ତଦନ୍ତ କରୁଥିବା ର ପ୍ରକାଶ। ମୃତ ଡ୍ରାଇଭର ରମେଶ ଏକ ଭଡା ଘରେ ରହୁଥିଲେ। ଉକ୍ତ ଭଡା ଘର ର ମାଳିକ ଏବଂ ଟ୍ରକ୍ ମାଳିକଙ୍କୁ ଥାନାକୁ ଡକାଇ ଜେରା ଚାଲିଥିବା ବେଳେ ଦୁର୍ଘଟଣା ଘଟାଇ ଥିବା ଟ୍ରକ୍ କିଏ ଚଲାଉଥିଲା ସେନେଇ ମଧ୍ୟ ତନାଘନା ଚାଲିଛି ବୋଲି ଆଆଇସି ଧବବଲେଶ୍ୱର ସାହୁ କହିଛନ୍ତି।
