ଭାରତର ସ୍ୱାଧୀନତାର ୭୫ ବର୍ଷ ପୂର୍ତ୍ତି ଉତ୍ସବ ପାଳନ ଅବସରରେ ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାବଡେକର ଆଜି ଦେଶର ୬ଟି ସ୍ଥାନରେ ସ୍ୱାଧୀନତାର ଅମୃତ ମହୋତ୍ସବ ପ୍ରଦର୍ଶନୀକୁ ଉଦ୍ଘାଟନ କରିଛନ୍ତି। ଏହିସବୁ ସ୍ଥାନଗୁଡ଼ିକ ହେଲା ଜାମ୍ମୁ, ଇମ୍ଫାଲ୍, ପାଟନା, ଭୁବନେଶ୍ୱର, ପୁନେ ଓ ବେଙ୍ଗାଲୁରୁ। ଦିଲ୍ଲୀଠାରେ ଭର୍ଚୁଆଲ୍ ମାଧ୍ୟମରେ ଏହି ପ୍ରଦର୍ଶନୀକୁ ଉଦ୍ଘାଟନ କରିବା ଅବସରରେ ଶ୍ରୀ ଜାବଡେକର କହିଛନ୍ତି, ସ୍ୱାଧୀନତା ସଂଗ୍ରାମୀମାନଙ୍କର ବିରାଟ ବଳୀଦାନ ଯୋଗୁଁ ଦେଶ ସ୍ୱାଧୀନତା ହାସଲ କରିପାରିଛି।
Effective exhibitions set up by @BOC_MIB across the country will educate the populace on the ethos of freedom struggle and envision our path for next 25 years. Inaugurated 7 such exhibitions today. I invite people to visit these venues and leave with a piece of history with them. pic.twitter.com/Undtqcsjb4
— Prakash Javadekar (@PrakashJavdekar) March 13, 2021
ସେ କହିଛନ୍ତି, ପ୍ରଦର୍ଶନୀ ମାଧ୍ୟମରେ ଲୋକମାନେ ସ୍ୱାଧୀନତା ସଂଗ୍ରାମ ସମ୍ପର୍କରେ ଜାଣିପାରିବେ। ପ୍ରଧାନମନ୍ତ୍ରୀଙ୍କ ଦ୍ୱାରା ଆଜାଦି କା ଅମୃତ ମହୋତ୍ସବ ପାଳନ କରିବାର ଉଦ୍ଦେଶ୍ୟ ହେଉଛି ଲୋକମାନଙ୍କୁ ସ୍ୱାଧୀନତା ସଂଗ୍ରାମ ବିଷୟରେ ଅବଗତ କରାଇବା। ସୂଚନା ଓ ପ୍ରସାରଣ ସଚିବ ଅମିତ ଖାରେ, ବ୍ୟୁରୋ ଅଫ୍ ଆଉଟ୍ରିଚ୍ର ପ୍ରିନ୍ସିପାଲ୍ ଡି.ଜି. ସତ୍ୟେନ୍ଦ୍ର ପ୍ରକାଶ, ପି.ଆଇ.ବି.ର ପ୍ରିନ୍ସିପାଲ୍ ଡି.ଜି. ଜୟଦୀପ ଭଟ୍ନାଗର ଓ ଅନ୍ୟ ବରିଷ୍ଠ ଅଧିକାରୀମାନେ ଏହି ଉତ୍ସବରେ ଉପସ୍ଥିତ ଥିଲେ।
ଗତକାଲିଠାରୁ ଆରମ୍ଭ ହୋଇଥିବା ସ୍ୱାଧୀନତାର ଅମୃତ ମହୋତ୍ସବ ଅବସରରେ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟିକୁ ଲକ୍ଷ୍ୟରେ ରଖି ସ୍ୱାଧୀନତା ସଂପର୍କିତ ବିଭିନ୍ନ ତଥ୍ୟକୁ ପ୍ରଦର୍ଶନୀ ସ୍ଥାନ ଦିଆଯାଇଛି। ୨୦୨୨ ଅଗଷ୍ଟ ୧୫ରେ ସ୍ୱାଧୀନତା ପ୍ରାପ୍ତିର ୭୫ ବର୍ଷ ପୂର୍ତ୍ତି ଅବସରରେ ଭାରତର ଉପଲବ୍ଧିକୁ ବିଶ୍ୱବାସୀଙ୍କ ସମ୍ମୁଖରେ ରଖିବା ପାଇଁ ଏହି କାର୍ଯ୍ୟକ୍ରମର ଆୟୋଜନ କରାଯାଇଛି। ଆଗାମୀ ୨୫ ବର୍ଷ ପାଇଁ ଯେଉଁସବୁ କାର୍ଯ୍ୟକ୍ରମ ହାତକୁ ନିଆଯିବ, ତାହାର ସଂକଳ୍ପ ମଧ୍ୟ ଏଥିରେ ପ୍ରତିଫଳିତ ହେଉଛି।
