ହରଭଙ୍ଗା : ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଧଳପୁର ପଂଚାୟତର ଚନ୍ଦ୍ରଶେଖରପୁର ଗାଁର କିଡନୀ ଆକ୍ରାନ୍ତ ରୋଗୀଙ୍କୁ ସରକାରୀ ସହାୟତା ପାଇଁ ଗ୍ରାମବାସୀଙ୍କ ପକ୍ଷରୁ ବୌଦ୍ଧ ସହକାରୀ ଜିଲ୍ଲାପାଳ ଅବିନାଶ ପାଣ୍ଡିଆଙ୍କୁ ୫ଦଫା ଦାବି ପତ୍ର ପ୍ରଦାନ କରାଯାଇଛି। ସେଥିରେ ଉଲ୍ଲେଖ ରହିଛି ଯେ, କିଡନୀ କବଳିତ ଚନ୍ଦ୍ରଶେଖରପୁର ଗାଁରେ ବସବାସ କରୁଥିବା ୨୮ ପରିବାରରୁ ୧୭ଟି ପରିବାର କିଡନୀରୋଗ ଗ୍ରାସ କରିସାରିଛି। ଏହି ମାରାମକ ବ୍ୟାଧିରେ ୧୨ଜଣଙ୍କ ମୃତ୍ୟୂ ଘଟିଥିବାବେଳେ ବର୍ତ୍ତମାନ ଆଉ ୯ଜଣ ଗରିବ ଶ୍ରେଣୀର ଲୋକ ଏହି ରୋଗରେ ଆକ୍ରାନ୍ତ ହୋଇ ମୃତ୍ୟୁସହ ସଂଗ୍ରାମ କରୁଛନ୍ତି। ମାତ୍ର ରୋଗର ଭୟାବହତା ଦିଗରେ ଜିଲ୍ଲାପ୍ରଶାସନ କୌଣସି ପଦକ୍ଷେପ ଗ୍ରହଣ କରୁନଥିବାରୁ ଉପଯୁକ୍ତ ଚିକିତ୍ସାଭାବରୁ ଗାଁ ପୁରୁଷ ଶୂନ୍ୟ ହେବାକୁ ବସିଛି। ଏହା ସହିତ ଆକ୍ରାନ୍ତ ରୋଗୀଙ୍କ ବ୍ୟୟବହୁଳ ଚିକିତ୍ସା ପାଇଁ ଅର୍ଥାଭାବରୁ ଗରିବ ରୋଗୀ ମେଡିକାଲ ଯାଇନପାରି ଉପଯୁକ୍ତ ଚିକତ୍ସାରୁ ବଂଚିତ ହୋଇ ଅକାରଣରେ ଗୋଟିଏ ପରେ ଗୋଟିଏ ଜୀବନ ଚାଲିଯାଉଛି। ଗରିବ ଆକ୍ରାନ୍ତ ରୋଗୀଙ୍କ ଉନ୍ନତମାନର ମାଗଣା ଚିକିତ୍ସା ସହାୟତା ସହିତ ବିଶୁଦ୍ଧ ପାନୀୟ ଜଳର ବ୍ୟବସ୍ଥା, ମୃତକଙ୍କ ପରିବାରକୁ ୫ଲକ୍ଷଟଙ୍କାର କ୍ଷତିପୂରଣ, ନିୟମିତ ସ୍ୱାସ୍ଥ୍ୟ ପରୀକ୍ଷା ସାଙ୍ଗକୁ ଗାଁରେ ରହିଥିବା ଜଳ ଉତ୍ସଗୁଡିକର ପାଣିର ପରୀକ୍ଷା କରି ବିହିତ ପଦକ୍ଷେପ ଗ୍ରହଣ କରାଯିବାକୁ ଗ୍ରାମର କଇଁ ଛନ୍ଦ,ପ୍ରତାପ କିଶୋର ଡାଙ୍ଗ,ଭଗବାନ ଡାଙ୍ଗ,ସଂଜୟ ବେହେରା ପ୍ରମୁଖ ଦାବୀ କରିଛନ୍ତି। ଏଦିଗରେ ଜିଲ୍ଲାପ୍ରଶାସନ ଆବଶ୍ୟକୀୟ ଦୃଷ୍ଟି ଦେବାକୁ ଦାବି ହେଉଛି।
କିଡନୀ କବଳିତ ଗାଁ ଚନ୍ଦ୍ରଶେଖରପୁର, ଆକ୍ରାନ୍ତଙ୍କ ସହାୟତା ପାଇଁ ଜିଲ୍ଲାପ୍ରଶାସନକୁ ୫ଦଫା ଦାବି ପତ୍ର
Popular Categories
Previous article
Next article