ବାଲେଶ୍ୱର : ବାଲେଶ୍ୱର ଜିଲାର ସୋର ଅଞ୍ଚଳରେ ୨ଟି ସ୍ଥାନରେ ଭୟାବହ ଅଗ୍ନିକାଣ୍ଡ ଘଟି ୩ ଜଣ ଗୁରୁତର ହୋଇଛନ୍ତି। ଏହାସହ ସାତ ଏକର ଜମିର ଧାନ ଜଳି ନଷ୍ଟ ହେବା ସହ ୧୦ ବଖରା ପୋଡି ପାଉଁଶ ହୋଇଥିବା ନେଇ ସୋମବାର ଖବର ମିଳିଛି।
ସୂଚନା ଯୋଗ୍ୟ, ସୋର ପୌରପାଳିକା ୧୯ନମ୍ବର ୱାର୍ଡ କ୍ଷୀରକୋଣି ଗ୍ରାମରେ ଅଗ୍ନିକାଣ୍ଡ ଘଟି ବିକର୍ତ୍ତନ ମହାଳିକ, ପୁଅ ପ୍ରଶାନ୍ତ ଓ ଟୁକୁନାର ପାଞ୍ଚ ବଖରା ପୋଡି ପାଉଁଶ ହୋଇଯାଇଛି । ନିଆଁରେ ବିକର୍ତ୍ତନଙ୍କ ପତ୍ନୀ ଲକ୍ଷ୍ମୀ ଓ ୧୦ ବର୍ଷର ନାତି ପୋଡି ଗୁରୁତର ହୋଇଛନ୍ତି । ଚଳିତ ବର୍ଷ ବିକର୍ତ୍ତନ ସାତ ଏକର ଜମିରେ ଧାନ ଚାଷ କରିଥିବା ଧାନ ପୋଡି ଯାଇଛି । ନିଆଁର ପ୍ରଖର ଏତେ ଥିଲା ଯେ ଘରୁ କୌଣସି ଜିନିଷ ବାହାର କରିବା ସମ୍ଭବ ନଥିଲା ।
ସେହିପରି ସୋର ବ୍ଲକ କୁଡେ଼ଇଁରେ ନିଆଁ ଲିଭାଇବାକୁ ସୋର ଦମକଳ ବାହିନୀ ଚାଲିଯାଇଥିବାରୁ କ୍ଷୀରକୋଣୀକୁ ବାହାନଗାରୁ ବିଳମ୍ବରେ ଦମକଳ ବାହିନୀ ପହଂଚି ଥିଲା ସେତେବେଳକୁ ସବୁ ପୋଡି ପାଉଁଶ ହୋଇଯାଇଥିଲା । ଗାଁ ଲୋକେ ପୋଖରୀରୁ ପାଣି ବୋହି ନିଆଁକୁ ଆୟତ୍ତ କରିଥିଲେ । ଦମକଳ ବାହିନୀ ଆସିବା ବିଳମ୍ବ ହେବାରୁ ଲୋକଙ୍କ ମଧ୍ୟରେ ଅସନ୍ତୋଷ ଦେଖା ଯାଇଥିଲା। ସେହିପରି କୁଡେ଼ଇ ଗ୍ରାମର ବିଜୟ ଦଳେଇଙ୍କ ଘରେ ନିଆଁ ଲାଗି ୫ବଖରା ପୋଡି ପାଉଁଶ ହୋଇଯାଇଛି ।
ଭୟାବହ ଅଗ୍ନିକାଣ୍ଡ ; ୩ ଗୁରୁତର, ସାତ ଏକର ଜମିର ଧାନ ଜଳି ନଷ୍ଟ, ୧୦ ବଖରା ପୋଡି ପାଉଁଶ
Popular Categories
Previous article
Next article