ବାଲେଶ୍ବର: ବାଲେଶ୍ୱର ଜିଲା ସୋରର କସ୍ତୁରବା କନ୍ୟାଶ୍ରମରୁ ୨ଜଣ ଝିଅ ହଠାତ୍ କେଉଁଆଡ଼େ ଚାଲିଯାଇଥିଲେ। କନ୍ୟାଶ୍ରମ କର୍ତ୍ତୃପକ୍ଷ ବହୁ ଖୋଜାଖୋଜି କରିବା ପରେ ମଧ୍ୟ ମିଳିନଥିଲା। ଆଜି ସ୍ଥାନୀୟ ଲୋକେ କନ୍ୟାଶ୍ରମରୁ ପଳାଇ ଆସିଥିବା ୨ଜଣ ଝିଅଙ୍କୁ ବାଲେଶ୍ବର ବସ୍ଷ୍ଟାଣ୍ଡ୍ରୁ ଉଦ୍ଧାର କରିଛନ୍ତି। ସେମାନେ ୨ ଝିଅଙ୍କୁ ଉଦ୍ଧାର ପରେ ସହଦେବ ଖୁଣ୍ଟା ପୁଲିସ ଜିମା ଦେଇଛନ୍ତି।
ଉଦ୍ଧାର ୨ଜଣଙ୍କ ମଧ୍ୟରୁ ଜଣେ ନାବାଳିକା ଓ ଆଉ ଜେଣ ସାବାଳିକା ବୋଲି ଜଣାପଡ଼ିଛି। ଦୁହେଁ ବସଷ୍ଟାଣ୍ଡ ପାଖରେ ବସି କାନ୍ଦୁଥିବାର ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଏହାପରେ ସ୍ଥାନୀୟ ଲୋକେ ଉଭୟ ଝିଅଙ୍କୁ ସେଠାରୁ ଉଦ୍ଧାର କରିଥିଲେ ଏବଂ ପୁଲିସକୁ ଖବର ଦେଇଥିଲେ। ସହଦେବଖୁଣ୍ଟା ପୁଲିସ୍ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରିଛି।
କନ୍ୟାଶ୍ରମରୁ ପଳାଇ ଯାଇଥିବା ୨ ଝିଅ ନିର୍ଯାତନା ଅଭିଯୋଗ ଆଣିଛନ୍ତି। ସୋର କସ୍ତୁରବା କନ୍ୟାଶ୍ରମ କର୍ତ୍ତୃପକ୍ଷ ସେମାନଙ୍କୁ ନିର୍ଯାତନା ଦେଉଥିବା ଅଭିଯୋଗ କରିଛନ୍ତି। ଉକ୍ତ କନ୍ୟାଶ୍ରମରେ ବହୁତ ନିର୍ଯାତନା ଦିଆଯିବା ସହ ସେଠାରେ ଭଲଭାବେ ଖାଇବାକୁ ଦିଆଯାଉ ନାହିଁ। ବିନା କାରଣରେ ମାଡ଼ ମରାଯାଉଛି। ନିର୍ଯାତନା ଅଭିଯୋଗ ମାଡ଼ କର୍ତ୍ତୃପକ୍ଷ ମାଡ଼ ମାରୁଥିବା ସେମାନେ ଅଭିଯୋଗ କରିଛନ୍ତି। ସେମାନେ କସ୍ତୁରବା କନ୍ୟାଶ୍ରମରେ ସେମାନଙ୍କୁ ନିର୍ଯାତନା ଦିଆଯାଉଥିବା ନେଇ ଅଭିଯୋଗ କରିବା ପାଇଁ ଜିଲାପାଳଙ୍କ ନିକଟକୁ ଯାଉଥିଲେ ବୋଲି କହିଛନ୍ତି।
