କଳାପଥର : ବାଙ୍କୀ ଉପଖଣ୍ଡ କଲାପଥର ଠାରେ ଥିବା କଳାପଥର-ଧଳାପଥର ଆଞ୍ଚଳିକ ମହାବିଦ୍ୟାଳୟର ଜଣେ ୪ର୍ଥ ଶ୍ରେଣୀ କର୍ମଚାରୀ ଆଜି କଲେଜ ପରିସରରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ଜଣାପଡିଛି। ତେବେ କେଉଁ କାରଣ ପାଇଁ ସେ ଆତ୍ମହତ୍ୟା ଉଦ୍ୟମ କରିଛନ୍ତି ତାହା ଜଣାପଡିନାହିଁ। ଜଣାଯାଇଛି ଯେ , କଳାପଥର-ଧଳାପଥର ଆଞ୍ଚଳିକ ମହାବିଦ୍ୟାଳୟର ଜଣେ ୪ର୍ଥ ଶ୍ରେଣୀ କର୍ମଚାରୀ ଶ୍ୟାମସୁନ୍ଦର ବେହେରା ଆଜି ସକାଳୁ କଲେଜକୁ ଆସିଥିଲେ। କଲେଜରେ କାର୍ଯ୍ୟରତ ଥାଇ ସେ ଅଫିସ ଭିତରକୁ ଆସିଥିଲେ। ତେବେ ସେଠାରେ କୌଣସି ଅଧିକାରୀ ନଥିଲେ। ସେହି ସମୟରେ ସାଙ୍ଗରେ ଆଣିଥିବା କିଟନାଶକ ଔଷଧ ବିଷ ଖାଇ ଦେଇଥିଲେ। କିଛି ସମୟ ପରେ ଅଫିସକୁ କେତେକ କର୍ମଚାରୀ ଆସିବା ପରେ ସେ ଅଚେତ ହୋଇ ପଡିଥିବା ଦେଖିବାକୁ ପାଇଥିଲେ। ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ସଂପୃକ୍ତ କର୍ମଚାରୀଙ୍କୁ ପ୍ରଥମେ ଚିକିତ୍ସା ପାଇଁ କଳାପଥର ଡାକ୍ତରଖାନାକୁ ନିଆଯାଇଥିଲା। ଡାକ୍ତର ତାଙ୍କୁ ଗୁରୁତର ଥିବା ଦେଖିବା ପରେ ତୁରନ୍ତ ଖୋର୍ଦ୍ଧା ଗୋପବଂଧୁ ସଦର ମହକୁମା ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତରିତ କରିଥିଲେ। ତାଙ୍କର ଅବସ୍ଥା ଅତ୍ୟନ୍ତ ଗୁରୁତର ଥିବା ଜଣାପଡିଛି। ଆତ୍ମହତ୍ୟାର କାରଣ ଜଣାପଡିନାହିଁ।
Popular Categories
Previous article
Next article