ବେଗୁନିଆ: ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିରବଚ୍ଛିନ୍ନ ଭାବରେ ଭାରତରେ ୧ ନଂ ମୁଖ୍ୟମନ୍ତ୍ରୀ ହୋଇ ନିଜର ଶ୍ରେଷ୍ଠତ୍ଵ ପ୍ରଦର୍ଶନ କରି ଆସୁଥିବାରୁ ତାଙ୍କ ଉଦେଶ୍ୟରେ ବେଗୁନିଆ ବିଧାୟକ ରାଜେନ୍ଦ୍ରକୁମାର ସାହୁଙ୍କ ନେତୃତ୍ୱରେ ଆଜି ଅପରାହ୍ନରେ ବେଗୁନିଆରେ ଏକ ପଦଯାତ୍ରା ଅନୁଷ୍ଠିତ ହୋଇଥିଲା। ବିଜୁ ପଟନାୟକ ପାର୍କରେ ଥିବା ସ୍ବର୍ଗତ ବିଜୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ବେଗୁନିଆ ବ୍ଲକର ଦଳୀୟ କର୍ମୀମାନଙ୍କୁ ନେଇ ଏହି ବିଶାଳ ପଦଯାତ୍ରା ବଜାର ପରିକ୍ରମା କରି ପୋଷ୍ଟ ଅଫିସ ପର୍ଯ୍ୟନ୍ତ ଯାଇଥିଲା। କାର୍ଯ୍ୟକ୍ରମରେ ବ୍ଲକର ବହୁ ସରପଞ୍ଚ, ସମିତିସଭ୍ୟ, ଜିଲ୍ଲା ପରିଷଦ ସଭ୍ୟ, ଅଧ୍ୟକ୍ଷ, ଉପାଧକ୍ଷ୍ୟଙ୍କ ସହିତ ପୂର୍ବତନ ଦଳୀୟ ସରପଞ୍ଚ, ସମିତିସଭ୍ୟ ଏବଂ ଜିଲ୍ଲା ପରିଷଦ ସଭ୍ୟ ଯୋଗ ଦେଇଥିଲେ।
ଏତଦବ୍ୟତୀତ ବହୁ ମହିଳା ଏହି ପଦଯାତ୍ରାରେ ଯୋଗ ଦେଇ ମୁଖ୍ୟମନ୍ତ୍ରୀଙ୍କ ଜୟଗlନ କରିବା ସହିତ ଶଙ୍ଖ ବଜାଇ ହୁଳହୁଳି ଧ୍ୱନୀ ଭିତରେ ପଦଯାତ୍ରା ଶେଷ କରିଥିଲେ। ବିଧାୟକ ରାଜେନ୍ଦ୍ରକୁମାର ସାହୁ ଓଡିଶାବାସୀଙ୍କ ସେବାରେ ମୁଖ୍ୟମନ୍ତ୍ରୀ ନିଜକୁ କିପରି ସମର୍ପଣ କରି ବିଭିନ୍ନ ଯୋଜନା ପ୍ରଣୟନ କରୁଛନ୍ତି ସେ ସମ୍ପର୍କରେ ନିଜ ଭାଷଣ ମାଧ୍ୟମରେ ଲୋକମାନଙ୍କୁ ଅବଗତ କରାଇଥିଲେ।
