ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ସେରମ୍ ଇନ୍ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକ୍ର ଟୀକାକୁ ମଞ୍ଜୁରି ମିଳିବା ଦ୍ୱାରା ଦେଶକୁ ଦ୍ରୁତଗତିରେ କରୋନା ମୁକ୍ତ କରିବାରେ ସହାୟତା ମିଳିବ। ଏହି ଦୁଇ କମ୍ପାନୀର ଟୀକାକୁ ଭାରତୀୟ ଔଷଧ ମହାନିୟନ୍ତ୍ରକ ମଞ୍ଜୁରି ପ୍ରଦାନ କରିଛନ୍ତି। ଶ୍ରୀ ମୋଦୀ ଟ୍ୱିଟ୍ କରି ଦେଶବାସୀ ଏବଂ ବୈଜ୍ଞାନିକମାନଙ୍କୁ ଶୁଭେଚ୍ଛା ଜଣାଇ କହିଛନ୍ତି, ଏହା କରୋନା ବିରୋଧରେ ଚାଲିଥିବା ସଂଘର୍ଷର ଏହା ହେଉଛି ଏକ ନିର୍ଣ୍ଣାୟକ ମୋଡ଼।
यह गर्व की बात है कि जिन दो वैक्सीन के इमरजेंसी इस्तेमाल को मंजूरी दी गई है, वे दोनों मेड इन इंडिया हैं। यह आत्मनिर्भर भारत के सपने को पूरा करने के लिए हमारे वैज्ञानिक समुदाय की इच्छाशक्ति को दर्शाता है। वह आत्मनिर्भर भारत, जिसका आधार है- सर्वे भवन्तु सुखिनः सर्वे सन्तु निरामया।
— Narendra Modi (@narendramodi) January 3, 2021
ପ୍ରଧାନମନ୍ତ୍ରୀ କହିଛନ୍ତି, ଭାରତରେ ନିର୍ମିତ ଦୁଇଟି ଟୀକାକୁ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିବା ହେଉଛି ପ୍ରତ୍ୟେକ ଭାରତୀୟଙ୍କ ପାଇଁ ଗର୍ବର ବିଷୟ। ସେ କହିଛନ୍ତି, ଏହାଦ୍ୱାରା ଆତ୍ମନିର୍ଭର ଭାରତର ସ୍ୱପ୍ନକୁ ସାକାର କରିବା ଦିଗରେ ଆମର ବୈଜ୍ଞାନିକ ସମୁଦାୟଙ୍କ ସକ୍ରିୟତାର ସୂଚନା ମିଳିଛି, ଯେଉଁମାନେ କି ସେବା ଓ କରୁଣାର ଭାବ ସହିତ କାର୍ଯ୍ୟ କରିଚାଲିଛନ୍ତି। ସେ କହିଛନ୍ତି, ଦେଶକୁ କରୋନା ମୁକ୍ତ କରିବା ଦିଗରେ ଚିକିତ୍ସକ, ସ୍ୱାସ୍ଥ୍ୟ କର୍ମଚାରୀ, ବୈଜ୍ଞାନିକ, ପୁଲିସ୍ କର୍ମୀ ଏବଂ ସଫେଇ କର୍ମଚାରୀଙ୍କ ସହିତ ସମସ୍ତ କରୋନା ଯୋଦ୍ଧାଙ୍କ ପ୍ରତି ପୁଣି ଥରେ କୃତଜ୍ଞତା ଜଣାଇବାର ସମୟ ଉପନୀତ ହୋଇଛି। ପ୍ରଧାନମନ୍ତ୍ରୀ କହିଛନ୍ତି, କରୋନା ଯୋଦ୍ଧାମାନେ ପ୍ରତିକୂଳ ପରିସ୍ଥିତି ସତ୍ତ୍ବେ ଅନେକ ଜୀବନ ବଞ୍ଚାଇବାରେ ସକ୍ଷମ ହୋଇଛନ୍ତି।
