ବାଲେଶ୍ୱର: ଜଣେ କଲେଜ ଛାତ୍ରୀଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି । ଏହି ଅଭିଯୋଗଟି ଗ୍ରାମର ଜଣେ ଜ୍ବାଇଁଙ୍କ ବିରୋଧରେ ହୋଇଛି। ବାଲେଶ୍ବର ଜିଲା ଖନ୍ତାପଡ଼ା ଥାନା ଅନ୍ତର୍ଗତ ଦିଗଭଅଁରା ଗ୍ରାମରେ ଏହି ଅଘଟଣ ଘଟିଛି । ଏହି ଘଟଣାର ପୁଲିସ ତଦନ୍ତ ଆରମ୍ଭ କରିଛି। ଅଭିଯୁକ୍ତଙ୍କ ନାମ କାହ୍ନୁ ଚରଣ ଓ ବଳାତ୍କାର ଶିକାର ହୋଇଥିବା ଛାତ୍ରୀ ଗୋପାଳପୁର ମହାବିଦ୍ୟାଳୟର ବୋଲି ଜଣାପଡିଛି।
ଅଭିଯୋଗ ଅନୁଯାୟୀ, ଗତ ଜୁଲାଇ ୨୮ରେ ଛାତ୍ରୀ ଜଣଙ୍କ କଲେଜ ଯାଉଥିବା ବେଳେ ଅଭିଯୁକ୍ତ କାହ୍ନୁ ରାସ୍ତାରେ ଭେଟ ହୋଇଥିଲେ । ଛାତ୍ରୀଙ୍କୁ କଥାରେ ଫସାଇ ମଙ୍ଗଳପୁର ଅଞ୍ଚଳରେ ଥିବା ଏକ ଘରୁ ନେଇଯାଇଥିଲେ । ସେଠାରେ ଛାତ୍ରୀଙ୍କ ନିଶା ଦେଇ ବଳାତ୍କାର କରିଥିଲେ ବୋଲି ଅଭିଯୋଗ ହୋଇଛି। ଅଭିଯୋଗ ପରେ ପୀଡ଼ିତାଙ୍କର ଡାକ୍ତରୀମାଇନା କରାଯାଇଛି। ଅଭିଯୁକ୍ତ କାହ୍ନୁ ଫେରାର ହୋଇଯାଇଥିବା ଜଣାପଡିଛି ।
