ସୁଆଣ୍ଡୋ: ପୁରୀ ଜିଲା ସତ୍ୟବାଦୀ ବ୍ଲକ ଅନ୍ତର୍ଗତ ଆଠବାଟିଆ- ବୁଧେଇ ଗ୍ରାମର ଲୋକମାନେ ନଡିଆ କାଠଗଣ୍ଡି ସହାୟତାରେ ରାସ୍ତା ପାର ହେଉଥିବା ଦେଖାଯାଉଛି। ବର୍ଷାଦିନେ ଏହି ସମସ୍ୟା ଉତ୍କଟ ହେଉଛି। ବିଦ୍ୟାଳୟର ଛାତ୍ରଛାତ୍ରୀମାନେ ଏହି ବିପଦସଙ୍କୁଳ ରାସ୍ତାରେ ଯାଉଥିବାରୁ ସେମାନଙ୍କ ଜୀବନ ପ୍ରତି ବିପଦ ଆଶଙ୍କା ରହିଛି। ଯାତାୟାତ ବେଳେ ଗ୍ରାମବାସୀଙ୍କ ମଧ୍ୟରୁ ଅନେକ ଲୋକ କାଠଗଣ୍ଡିରୁ ପଡ଼ି ଆହତ ହୋଇଥିବା ଅଭିଯୋଗ ହୋଇଛି।
ଏହି ରାସ୍ତା ଉପରେ ଦୁଇଟି ଗ୍ରାମର ପ୍ରାୟ ୭୦ ପରିବାର ନିର୍ଭର କରୁଛନ୍ତି। ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ପୂର୍ତ୍ତବିଭାଗ ରାସ୍ତାକୁ ଲାଗିଥିବା ଏହି ସ୍ଥାନରେ ଅନେକ ସମୟରେ ପାଣି ଜମି ଯାଉଛି। ବର୍ଷା ଦିନେ ସେଠାରେ ଘାଇ ସୃଷ୍ଟି ହେଉଛି। ତେଣୁ ସେହି ସ୍ଥାନରେ ପୋଲ ତିଆରି କରିବା ପାଇଁ ଦୁଇ ଗ୍ରାମର ଅଧିବାସୀ ସରକାରଙ୍କ ନିକଟରେ ଦାବି କରି ଆସୁଛନ୍ତି। ଅଭିଯୋଗ ସତ୍ତେ୍ୱ ଏହାର ସ୍ଥାୟୀ ସମାଧାନ ହେଉ ନ ଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି।
