ଖୁବ ଶୀଘ୍ର ସ୍ୱାଭାବିକ ହେବ ଶିକ୍ଷାଦାନ ପ୍ରକ୍ରିୟା – କେନ୍ଦ୍ର ଶିକ୍ଷାମନ୍ତ୍ରୀ
କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖରିଆଲ ‘ନିଶଙ୍କ’ ଗୁରୁବାର ଦିନ ଛାତ୍ରଛାତ୍ରୀମାନଙ୍କୁ ଆଶ୍ୱାସନା ଦେଇଛନ୍ତି ଯେ ଦେଶରେ ଖୁବ ଶୀଘ୍ର ଶିକ୍ଷାଦାନ ପ୍ରକ୍ରିୟାକୁ ସ୍ୱାଭାବିକ କରିବା ପାଇଁ ବିଦ୍ୟାଳୟଗୁଡିକ ଖୋଲାଯିବ। ଶିକ୍ଷକ, ଅଭିଭାବକ ଏବଂ ଛାତ୍ରମାନଙ୍କ ସହିତ ଏକାଦଶ ଶିକ୍ଷା ସମ୍ବାଦ ସଂସ୍କରଣରେ ଆଲୋଚନା କରିବା ଅବସରରେ ସେ କହିଛନ୍ତି ଯେ ଛାତ୍ରଛାତ୍ରୀମାନେ କରୋନା ମହାମାରୀ ଭଳି କଠିନ ସମୟରେ ଅଧ୍ୟୟନ ଜାରି ରଖିଛନ୍ତି। କୋଭିଡ ମହାମାରୀ ହେତୁ ୨୦୨୦ ମାର୍ଚ୍ଚ ମଧ୍ୟଭାଗରୁ ଶିକ୍ଷାଦାନ ବନ୍ଦ ହେବା ପରେ ଛାତ୍ରମାନେ ଅନଲାଇନ୍ କ୍ଲାସ ଚୟନ କରିବାକୁ ବାଧ୍ୟ ହୋଇଥିବା ସେ କହିଛନ୍ତି।
Interacting with teachers, parents and students on upcoming competitive/board exams. #EducationMinisterGoesLive @EduMinOfIndia @SanjayDhotreMP @PIB_India @MIB_India @DDNewslive https://t.co/qOsUBJ2J30
— Dr. Ramesh Pokhriyal Nishank (@DrRPNishank) December 10, 2020
ସେ କହିଛନ୍ତି, ଛାତ୍ରଛାତ୍ରୀମାନେ ଖୁବ ଶୀଘ୍ର ବିଦ୍ୟାଳୟକୁ ଫେରିବେ ଏବଂ ଶିକ୍ଷାଦାନ ପ୍ରକ୍ରିୟା ପୁଣି ସ୍ୱାଭାବିକ ହେବ। ଆଲୋଚନା କାଳରେ ଡକ୍ଟର ପୋଖରିଆଲ ମଧ୍ୟ ଛାତ୍ରଛାତ୍ରୀଙ୍କ ମନରୁ ବୋର୍ଡ ପରୀକ୍ଷା ଏବଂ ସିଲାବସ୍ ସମ୍ବନ୍ଧୀୟ ସମସ୍ତ ଆଶଙ୍କା ହଟାଇବାକୁ ଚେଷ୍ଟା କରିଥିଲେ। ତେବେ ବିଦ୍ୟାଳୟ ଖୋଲିବା ନେଇ ସେ କହିଛନ୍ତି ଯେ ବିଦ୍ୟାଳୟ ଖୋଲିବା ପାଇଁ ଶିକ୍ଷା ଏବଂ ସାକ୍ଷରତା ବିଭାଗ ପକ୍ଷରୁ ନିର୍ଦ୍ଦେଶାବଳୀ ଜାରି କରାଯାଇଛି। ଏହି ନିର୍ଦ୍ଦେଶାବଳୀଗୁଡ଼ିକ ଶାରୀରିକ ଏବଂ ସାମାଜିକ ଦୂରତା ସହିତ ଶିକ୍ଷା ଏବଂ ଶିକ୍ଷାର ପ୍ରସାରଣ ସହିତ ଜଡିତ ସ୍ୱାସ୍ଥ୍ୟ ଏବଂ ନିରାପତ୍ତା ଏବଂ ଶିକ୍ଷାଗତ ଦିଗଗୁଡ଼ିକ ବିଷୟରେ କୁହାଯାଇଛି। ଏହା ବ୍ୟତୀତ ରାଜ୍ୟରେ ବର୍ତ୍ତମାନର ସ୍ୱାସ୍ଥ୍ୟ ପରିସ୍ଥିତିକୁ ଦୃଷ୍ଟିରେ ରଖି ସଂପୃକ୍ତ ରାଜ୍ୟ ସରକାର ଏହି ପ୍ରସଙ୍ଗରେ ନିଷ୍ପତ୍ତି ନେବେ ବୋଲି ସେ କହିଛନ୍ତି।
କେନ୍ଦ୍ର ମନ୍ତ୍ରୀ କହିଛନ୍ତି, ଏଭଳି ଆଲୋଚନା ଓ ସମସ୍ତଙ୍କ ପରାମର୍ଶ ଅନେକ ନିଷ୍ପତ୍ତି ନେବା କ୍ଷେତ୍ରରେ ସହାୟତା କରିଛି ଏବଂ ଭବିଷ୍ୟତରେ ମଧ୍ୟ ନିଷ୍ପତ୍ତି ନେବାରେ ସାହାଯ୍ୟ କରିବ। ସେ କହିଛନ୍ତି, ପରୀକ୍ଷା ଫଳାଫଳ ଘୋଷଣା ହେବା ପରଠାରୁ ଅନେକ ପରିବର୍ତ୍ତନ ହୋଇଛି, ଅନେକ ଛାତ୍ର ପ୍ରତିଯୋଗିତାମୂଳକ ପରୀକ୍ଷାରେ ମଧ୍ୟ ଭାଗ ନେଇଛନ୍ତି, କଲେଜଗୁଡ଼ିକର କଟଅଫ୍ ତାଲିକା ମଧ୍ୟ ପ୍ରକାଶ ପାଇଛି ଏବଂ ନୂତନ ଏକାଡେମିକ୍ ଅଧିବେଶନ ଆରମ୍ଭ ହୋଇଛି। ପରିବର୍ତ୍ତନକୁ ଗ୍ରହଣ କରି ଆମେ ଯେଉଁଭଳି ଭାବରେ ସଫଳତାର ସହ ଅଗ୍ରଗତି କରିଛୁ ତାହାର ସମଗ୍ର ସଫଳତା ଶିକ୍ଷା ବ୍ୟବସ୍ଥାକୁ ଯାଉଛି ବୋଲି ସେ କହିଛନ୍ତି।
ଶ୍ରୀ ପୋଖରିଆଲ କହିଛନ୍ତି ଯେ କୋଭିଡ ସମୟରେ ଆତ୍ମନିର୍ଭରଶୀଳ ଭାରତ ଅଭିଯାନ ଅଧୀନରେ ପିଏମ ଇ-ବିଦ୍ୟା ପରି ଏକ ବ୍ୟାପକ ପଦକ୍ଷେପ ଆରମ୍ଭ ହୋଇଛି ଏବଂ ଡିଜିଟାଲ୍, ଅନଲାଇନ ଓ ରେଡିଓ ସାହାଯ୍ୟରେ ବିଦ୍ୟାଳୟକୁ ଯାଉଥିବା ପ୍ରାୟ ୩୩ କୋଟି ଛାତ୍ର ଉପକୃତ ହେଉଛନ୍ତି। ସେ କହିଛନ୍ତି ଯେ ଏହି ପରିବର୍ତ୍ତନ ସମୟରେ, ଭାରତ ନୂତନ ଶିକ୍ଷା ନୀତି ମାଧ୍ୟମରେ ଏକ ନୂତନ ଭବିଷ୍ୟତ ସୃଷ୍ଟି ପାଇଁ ମୂଳଦୁଆ ପକାଇଛି ଯାହା ଛାତ୍ରଛାତ୍ରୀମାନଙ୍କୁ ବିକଳ୍ପ ଏବଂ ସୁଯୋଗ ମଧ୍ୟ ଦେବ।
Comments are closed.