ନବରଙ୍ଗପୁର : ଜିଲା ଶିଶୁ ସୁରକ୍ଷା ବିଭାଗ ପକ୍ଷରୁ କୋଷାଗୁମୁଡା ବ୍ଳକ ଅନ୍ତର୍ଗତ ବିଏମ୍ ସେମଳାଗ୍ରାମକୁ ବାଲ୍ୟ ବିବାହ ମୁକ୍ତ ଗ୍ରାମ ଭାବେ ଘୋଷଣା କରାଯାଇଛି। ଏହି ଅବସରରେ ଗ୍ରାମରେ ଏକ ଜନସଚେତନତା ଶୋଭାଯାତ୍ରା କରାଯାଇଥିଲା। ଗତ ୨୦୧୯ରୁ ୨୦୨୦ ମସିହା ମଧ୍ୟରେ ଏହି ଗ୍ରାମରେ ଗୋଟିଏ ମଧ୍ୟ ବାଲ୍ୟ ବିବାହ ହୋଇନଥିବା ଗ୍ରାମବାସୀମାନେ ପ୍ରକାଶ କରିଥିଲେ। ତେଣୁ ଏହି ଗ୍ରାମକୁ ବାଲ୍ୟବିବାହ ମୁକ୍ତ ଗ୍ରାମ ଭାବରେ ଗ୍ରାମବାସୀମାନେ ଘୋଷଣା କରିଥିଲେ। ଗ୍ରାମର ମହିଳାମାନେ ମିଳିତ ହୋଇ ଏଥିପାଇଁ ଶପଥପାଠ କରିଥିଲେ। ଏହି ଅବସରରେ କୋଷାଗୁମୁଡାବ୍ଳକ ସମ୍ମିଳନୀ କକ୍ଷଠାରେ ବ୍ଲକସ୍ତରୀୟ ଶିଶୁ ସୁରକ୍ଷା ଓ ଟାକ୍ସଫୋର୍ସ କମିଟି ବୈଠକ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ବ୍ଳକ ଅଧ୍ୟକ୍ଷା ଯୋଗଦେଇ ଏହି ବ୍ଲକରେ ଶିଶୁ ସୁରକ୍ଷା , ବାଲ୍ୟବିବାହ ବନ୍ଦ କରିବା ସଂପର୍କରେ କହିଥିଲେ। ବିଡିଓ ସତ୍ୟନାରାୟଣ ମେହେର ଏହିବ୍ଳକ ଅଞ୍ଚଳରେ ଶିଶୁ ସୁରକ୍ଷା, ବାଲ୍ୟବିବାହ, ଶିଶୁ ଶ୍ରମିକ ରୋକିବା ଓ ଶିଶୁ ପୋଷ୍ୟ ସଂପର୍କରେ ଆଲୋଚନା କରିଥିଲେ। ଜିଲା ଶିଶୁ ସୁରକ୍ଷା ଅଧିକାରୀ ସୁରେଶ କୁମାର ପଟ୍ଟନାୟକ, ଶିଶୁ ସୁରକ୍ଷା ଆଇନ ସଂପର୍କରେ ଅବଗତ କରାଇଥିଲେ। ସିଡିପିଓ, ଥାନା ଅଧିକାରୀ, ବ୍ଲକ ଶିକ୍ଷା ଅଧିକାରୀ, ଗ୍ରାମ ପଞ୍ଚାୟତ ଅଧିକାରୀ, ବ୍ଳକ ସାମାଜିକ ସୁରକ୍ଷା ଅଧିକାରୀ, ସରପଞ୍ଚ, ଆଇସିଡିଏସ ନୀରିକ୍ଷକ,ଅଙ୍ଗନବାଡୀ କର୍ମୀ, ସ୍ୱେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତା, ୟୁନିସେଫର କନସଲ୍ଟାଣ୍ଟ ଫକିର ରାଉତ, ସମାଜିକ କର୍ମୀ ସମରେନ୍ଦ୍ର ପରିଡା ପ୍ରମୁଖ ଯୋଗଦେଇଥିଲେ।
Popular Categories
Previous article
Next article