ପରୀକୁ ନ୍ୟାୟ ଦେବାପାଇଁ ଜାତୀୟ ଶିଶୁ ସୁରକ୍ଷା ଅଧିକାର କମିଶନରେ ଦାବିପତ୍ର ଦେଲେ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର

ନୂଆଦିଲ୍ଲୀ : ଦିଲ୍ଲୀରେ ପହଁଚିଲା ବହୁ ଚର୍ଚ୍ଚିତ ପରୀ ହତ୍ୟା ଘଟଣା। ନୟାଗଡ଼ରୁ ରାଜଧାନୀ ଆଉ ପରେ ଦେଶର ରାଜଧାନୀ ଦିଲ୍ଲୀରେ ପହଞ୍ଚିଛି ପରୀ ପ୍ରସଙ୍ଗ । ନୟାଗଡର ୫ ବର୍ଷର କୋମଳମତି ଶିଶୁ ପରୀକୁ ନ୍ୟାୟ ଦାବିରେ ଦିଲ୍ଲୀରେ ଜାତୀୟ ଶିଶୁ ଅଧିକାର ସୁରକ୍ଷା କମିଶନଙ୍କ ଦ୍ଵାରସ୍ଥ ହୋଇଛନ୍ତି ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର ।

Met the Chairperson of @ncpcr (National Commission for Protection of Child Rights) Sh @KanoongoPriyank Ji and submitted a Memorandum regarding the kidnapping & brutal murder of 5 Year old girl PARI at Nayagardh in Puri Lok sabha.#JusticeForPari pic.twitter.com/E45OGy69yq

— Sambit Patra (@sambitswaraj) November 30, 2020

ଜାତୀୟ ଶିଶୁ ସୁରକ୍ଷା ଅଧିକାର ଆୟୋଗର ଚେୟାରମ୍ୟାନ ପ୍ରିୟଙ୍କ କାନୁନଗୋଙ୍କୁ ଭେଟି ଦାବିପତ୍ର ଦେଇଛନ୍ତି ବିଜେପି ଜାତୀୟ ପ୍ରବକ୍ତା ସମ୍ବତ ପାତ୍ର । ସେ ୨ଟି ଦାବି ଉପସ୍ଥାପନ କରିଛନ୍ତି । ପ୍ରଥମଟି ହେଉଛି ଏନସିପିସିଆର ଏହାକୁ ନେଇ ସ୍ବତନ୍ତ୍ର କମିଟି ଗଠନ କରି ସ୍ପଟ ତଦନ୍ତ କରନ୍ତୁ ଏବଂ ୨ୟ ଟି ନୟାଗଡ଼ର ଏସପି ଓ କଲେକ୍ଟରଙ୍କୁ ଡାକି ଏଠାକୁ ସମନ କରି ପଚାରାଉଚୁର କରାଯାଉ। ଏତଦ୍ ବ୍ୟତୀତ ମନ୍ତ୍ରୀ ଅରୁଣ ସାହୁଙ୍କ କଣ ଭୂମିକା ରହିଛି ତାହାକୁ ମଧ୍ୟ ତଦନ୍ତ କରାଯାଉ। ତେବେ ଏହି ଘଟଣାକୁ ସଜ୍ଞାନର ସହ ନେବେ ବୋଲି କହିଛନ୍ତି ପ୍ରିୟଙ୍କ କାନୁନଗୋ।