ବାଙ୍କୀ: ବାଙ୍କୀ-କଟକ ମୁଖ୍ୟ ରାସ୍ତାର ଉପର ପାଥପୁରଠାରେ ଏକ ସଡକ ଦୁର୍ଘଟଣାରେ ସ୍ୱାମୀର ମୃତ୍ୟୁ ଘଟିଥିବା ବେଳେ ସ୍ତ୍ରୀ ଗୁରୁତର ଆହତ ହୋଇଛନ୍ତି। ବାଙ୍କୀ ଶ୍ରୀଚନ୍ଦନପୁର ଗ୍ରାମର ରବୀନ୍ଦ୍ର କୁମାର ଗିରି ନିଜ ସ୍କୁଟି ଯୋଗେ ସହଧର୍ମିଣୀ ରିତାଙ୍କ ସହିତ କଟକ ସ୍ଥିତ ନିଜ ଭାଣିଜୀ ଘରୁ ବାଙ୍କୀ ଫେରୁଥିଲା ବେଳେ ଗୁରୁବାର ଦିନ ସକାଳେ ଏହି ମର୍ମନ୍ତୁଦ ସସଡକ ଦୁର୍ଘଟଣା ଘଟିଛି। ସ୍କୁଟିଟି ଭାରସାମ୍ୟ ହରାଇ ରାସ୍ତା ପାର୍ଶ୍ବସ୍ଥ ଗଛରେ ପିଟିହୋଇ ଉଭୟେ ଗୁରୁତର ହୋଇଥିଲେ।
ଡମପଡା ଦମକଳ ବାହିନୀ ଖବର ପାଇ ୨ ଗୁରୁତରଙ୍କୁ ବାଙ୍କୀ ମେଡିକାଲକୁ ଚିକିତ୍ସା ପାଇଁ ଆଣିଥିଲେ। ଚିକିତ୍ସାଧୀନ ଅବସ୍ଥାରେ ରବୀନ୍ଦ୍ର ଗିରି(୬୦)ଙ୍କର ମେଡିକାଲରେ ମୃତ୍ୟୁ ହୋଇଥିଲା ବେଳେ ତାଙ୍କ ସହଧର୍ମିଣୀ ଗୁରୁତର ଥିବାରୁ ତାଙ୍କୁ କଟକ ବଡମେଡିକାଲକୁ ସ୍ତାନାନ୍ତରିତ କରଯାଇଛି। ମୃତକ ରବୀନ୍ଦ୍ର ନୃସିଂହ ଛକ ସ୍ଥିତ ସୌଖିନୀ ଡ୍ରେସେସ୍ର ମାଲିକ ଅଟନ୍ତି। ଦୁର୍ଘଟଣା ଜନିତ ମୃତ୍ୟୁରେ ବାଙ୍କୀ ବଜାର ଓ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି।
