ବାଙ୍କୀ: ଚଳିତ ବର୍ଷ ବନ୍ୟାରେ ବାଙ୍କୀ ଏନ.ଏ.ସିର ୧୬ ଏବଂ ୧୭ନଂ ଓାର୍ଡ ବନ୍ୟା ପ୍ରଭାବରେ ପ୍ରଭାବିତ ହୋଇଥିଲା। ସରକାରଙ୍କ ପକ୍ଷରୁ ବାଙ୍କୀ ବ୍ଲକ ଓ ବାଙ୍କୀ-ଡମପଡା ବ୍ଲକର ବନ୍ୟା ପ୍ରଭାବିତଙ୍କୁ ରିଲିଫ୍ ଚାଉଳ ଓ ୫୦୦ଟଙ୍କା ରିଲିଫ୍ ଆକାରରେ ପ୍ରଦାନ କରାଯାଇଥିଲା ବେଳେ ବାଙ୍କୀ ଏନ.ଏ.ସିର ୧୬ ଓ ୧୭ନଂ ଓାର୍ଡର ବନ୍ୟା ପ୍ରଭାବିତଙ୍କୁ ଏଥିରୁ ବଞ୍ଚିତ କରାଯାଇଥିଲା। ଓାର୍ଡ ବାସିନ୍ଦାମାନେ ବାରମ୍ବାର ଏନ.ଏ.ସି କର୍ତ୍ତୃପକ୍ଷଙ୍କୁ ଅବଗତ କରଉାଇଥିଲେ ମଧ୍ୟ କେବଳ ପ୍ରତିଶୃତି ଛଡା ଅନ୍ୟ କିଛି ମିଳିନଥିଲା। ଦୀର୍ଘ ୩ମାସ ପରେ ରିଲିଫ୍ ସହାୟତା ନମିଳିବାରୁ ବାଙ୍କୀ ନଗର ବିଜେପି ପକ୍ଷରୁ ସମ୍ପୃକ୍ତ ଓାର୍ଡରେ ରିଲିଫ୍ ଚାଉଳ ପ୍ରଦାନ ନକରାଗଲେ ବାଙ୍କୀ ନଗର ବିଜେପି ଏନ.ଏ.ସି ସମ୍ମୁଖରେ ଗଣଧାରଣା କରିବ ବୋଲି ବିଜେପି ପକ୍ଷରୁ ଏକ ଲିଖିତ ଚେତାବନୀ ଦିଆଯାଇଥିଲା। ଦାବୀ କାର୍ଯ୍ୟକାରୀ ନହେବାରୁ ଗୁରୁବାର ଦିନ ୧୧ଟା ସମୟରେ ଭାରତୀୟ ଜନତା ପାର୍ଟୀ ବାଙ୍କୀ ପୋକ୍ଷରୁ ବାଙ୍କୀ ନଗର ମଣ୍ଡଳ ସୌଜନ୍ୟତାରେ ଏକ ଗଣଧାରଣା ଅନୁଷ୍ଠିତ ହୋଇଯାଇଛି।
ସ୍ଥାନୀୟ ବିଜେପି ନେତା ସୁଭ୍ରାଂଶୁ ମୋହନ ପାଢୀଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଶତାଧିକ ବିଜେପି କର୍ମୀ ଓ ବନ୍ୟା ପ୍ରଭାବିତ ହିତାଧିକାରୀ ମାନେ ବିଜେପି କାର୍ଯ୍ୟାଳୟରୁ ଏକ ର୍ୟାଲିରେ ଆସି ଏନ.ଏ.ସି କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ। ବରିଷ୍ଠ ବିଜେପି ନେତା ଯଯାତୀ କେଶରୀ ପଟ୍ଟନାୟକ,ସଂଗ୍ରାମ ବିଭୂତିରାୟ,ଦେବୀପ୍ରସାଦ ମହାନ୍ତି,ଆଲୋକ ମହାନ୍ତି,ପ୍ରଣବ ମହାପାତ୍ର,ଚିନ୍ମୟ ମହାପାତ୍ର ପ୍ରମୁଖ ଧାରଣା କାର୍ଯ୍ୟକ୍ରମକୁ ସଞ୍ଚାଳନ କରିଥିଲେ।
