ଧର୍ମଗଡ: ଧର୍ମଗଡ ଅବକାରୀ ବିଭାଗ ତରଫରୁ ସଂଦେହରେ ଛତିଶଗଡ ଯାଉଥିବା ଦୁଇଟି ନମ୍ବର ବିହୀନ ବାଇକକୁ ଅଟକାଇ ଯାଞ୍ଚ କରାଯାଇଥିଲା। ଯାଞ୍ଚ ସମୟରେ ସେମାନଙ୍କ ପାଖରୁ ୨୨ କେଜି ଗଞ୍ଜେଇ ଜବତ କରାଯାଇଛି। ଅବକାରୀ ବିଭାଗ ଏହି ମାମଲାରେ ଜଣେ ମହିଳା ସମେତ ଚାରି ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନଙ୍କ ନାଁ ହେଲା ବିକାଶ ବୈରାଗୀ,ନଜମା ବେଗମ, ଛୋଟୁ ସିଂ, ସଞ୍ଜୁ ୱିକେ। ସମସ୍ତଙ୍କ ଘର ମଧ୍ୟପ୍ରଦେଶ ବୋଲି ସୂଚନା ମିଳିଛି। ବଲାଙ୍ଗୀରରୁ ଏମାନେ ଦୁଇଟି ନମ୍ବର ବିହୀନ ବାଇକରେ ଛତିଶଗଡ ରାୟପୁର ଦେଇ ମଧ୍ୟପ୍ରଦେଶ ଯିବା କଥା। କୌଣସି ସୁତ୍ରରୁ ଖବର ପାଇଁ କଳାହାଣ୍ଡି ଅବକାରୀ ଅଧିକ୍ଷକ ଏମାନଙ୍କୁ ଚଢ଼ଉ କରିବାକୁ ନିର୍ଦ୍ଦେଶ ଦେଇଥିଲେ। ଧର୍ମଗଡ ନିକଟ ଛିଲିପା ଠାରେ ଏମାନଙ୍କୁ ଅଟକାଇ ଯାଞ୍ଚ କରାଯାଇଥିଲା। ଡେପୁଟି ଅବକାରୀ ଅଧିକ୍ଷକ ଉମା ଶଙ୍କର ପ୍ରଧାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏମାନଙ୍କୁ ଛିଲିପା ଗାଁ ପାଖରେ ଅଟକାଇ ଯାଞ୍ଚ କରାଯାଇଥିଲା। ଏହି ଚଢ଼ଉରେ ଇନିସପେକ୍ଟର ଲଲିତ ମୋହନ ମିଶ୍ର,ଭ୍ରାମ୍ୟମାଣ ଓଆଇସି ଦିଲ୍ଲୀପୁ କୁମାର ରଥ,ଧର୍ମଗଡ ଇନଚାର୍ଜ ସତ୍ୟନାରାୟଣ ଦାସ,ଏଏସଆଇ ବସନ୍ତ କୁମାର ବିଶି, ଏଏସଆଇ ଅଶୋକ କୁମାର ସାହୁ, କନେଷ୍ଟବଳ ଅରୁଣ ଧ.ମାଝି, ମହିଳା କନେଷ୍ଟବଳ ପ୍ରତିମା ଗହୀର ପ୍ରମୂଖ ସାମିଲ ହୋଇଥିଲେ। ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ଜେଲ ହାଜତକୁ ପଠାଯାଇଛି। ବଲାଙ୍ଗୀରରୁ ଏତେ ବାଟ ଆସିବା ପରେ ବାଟରେ କାହାର ସଂଦେହ ନହେବା ଗଂଜେଇ ଚାଲାଣର ମଜବୁତ ନେଟୱାର୍କକୁ ସୁଚାଉଛି।
Popular Categories
Previous article
Next article