ନୂଆଦିଲ୍ଲୀ : ବ୍ରିଟିଶ ଇଲେକ୍ଟ୍ରିକ୍ ବାଇକ୍ ବ୍ରାଣ୍ଡ ଗୋଜିରୋ ମୋବିଲିଟି ଭାରତୀୟ ବଜାରରେ ତାର ନୂଆ ଇ-ବାଇସାଇକେଲ ଲଞ୍ଚ କରିଛି। କମ୍ପାନୀ ପକ୍ଷରୁ ଏହାର ସବୁଠାରୁ କମ୍ ଇ-ସାଇକେଲର ମୂଲ୍ୟ ୧୯ ହଜାର ୯୯୯ଟଙ୍କା ରଖାଯାଇଛି । ସେହିଭଳି ଏହାର ସବୁଠାରୁ ଦାମି ଇଲେକ୍ଟ୍ରିକ୍ ବାଇସାଇକେଲ ମଡେଲର ମୂଲ୍ୟ ୩୪ ହଜାର ୯୯୯ ଟଙ୍କା ରଖାଯାଇଛି । ବ୍ରିଟିଶ ଇଲେକ୍ଟ୍ରିକ୍ ବାଇକ୍ ତିଆରି କମ୍ପାନୀ ସ୍କେଲିଂ, ସ୍କେଲିଂ ଲାଇଟ୍ ଏବଂ ସ୍କେଲିଂ ପ୍ରୋ ସମେତ ଭାରତରେ ତିନୋଟି ମଡେଲର ବଜାର ପ୍ରବେଶ ହୋଇଛି ।ଯେଉଁଥିରେ ସ୍କେଲିଂର ମୂଲ୍ୟ ୧୯ ହଜାର ୯୯୯ ଟଙ୍କା ରଖାଯାଇଛି । ସେହିଭଳି ସ୍କେଲିଂ ଲାଇଟ୍ର ମୂଲ୍ୟ ୨୪ ଜହାର ୯୯୯ ଟଙ୍କା ଏବଂ ଏହାର ଟପ୍ ମଡେଲ୍ ସ୍କେଲିଂ ପ୍ରୋର ମୂଲ୍ୟ ୩୪ ହଜାର ୯୯୯ ଟଙ୍କା ରହିଛି। କମ୍ପାନୀ ପକ୍ଷରୁ କୁହାଯାଇଛି ଯେ, ଏହି ନୂଆ ବାଇକ୍ ବ୍ରିଟେନରେ ଡିଜାଇନ୍ କରାଯାଇଥିବାବେଳେ ଭାରତରେ ନିର୍ମିତ ହୋଇଛି।
ସୂଚନା ଅନୁଯାୟୀ, ସ୍କେଲିଂ ଏବଂ ସ୍କେଲିଂ ପ୍ରୋ ଉଭୟ ଅନଲାଇନ୍ ଏବଂ ଅଫଲାଇନ୍ ପ୍ଲାଟଫର୍ମରେ ଉପଲବ୍ଧ ରହିଛି । ସ୍କେଲିଂ ଲାଇଟ୍ କମ୍ପାନୀର ୱେବସାଇଟ୍ ଏବଂ ଅନ୍ୟାନ୍ୟ ଇ-କମର୍ସ ପ୍ଲାଟଫର୍ମ ମାଧ୍ୟମରେ ବିକ୍ରୟ ପାଇଁ ଉପଲବ୍ଧ ରହିଛି ।
Comments are closed.