ବାସ୍ତୁଶାସ୍ତ୍ର ଅନୁସାରେ ଘରେ ସଠିକ ଦିଗରେ ଫଟୋ ଲଗାଇବା ଦ୍ୱାରା ସକାରାତ୍ମକ ଶକ୍ତି ବୃଦ୍ଧି ପାଇଥାଏ। କିନ୍ତୁ ଭୁଲ ଦିଗରେ ଫଟୋ ଲଗାଇବା ଦ୍ୱାରା ଘରର ସମସ୍ତ ଖୁସି ନଷ୍ଟ ହୋଇ ଯାଇଥାଏ। ବାସ୍ତୁ ଅନୁସାରେ ଘରେ ପରିବାର ସଦସ୍ୟଙ୍କ ଫଟୋ ଲଗାଇବାର କିଛି ବିଶେଷ ଦିଗ ରହିଥାଏ। ପରିବାର ସଦସ୍ୟଙ୍କ ଫଟୋ ସର୍ବଦା ଉତ୍ତର ଦିଗ, ପୂର୍ବ ଦିଗ ଓ ଉତ୍ତର-ପୂର୍ବ ଦିଗରେ ଲଗାଇବା ଉଚିତ। ଏହା ସହ ନିବିଡ ବନ୍ଧୁମାନଙ୍କ ଫଟୋ ମଧ୍ୟ ଘରେ ଲଗାଇ ପାରିବା।
ଫଟୋ ଲଗାଇବା ବେଳେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ:
ପୂର୍ବଜ/ ସ୍ୱର୍ଗୀୟ ସଦସ୍ୟଙ୍କ ଫଟୋ ଉତ୍ତର ଦିଗରେ ଲଗାଇବା ଉଚିତ। ଏହି ସ୍ୱର୍ଗୀୟ ସଦସ୍ୟଙ୍କ ଫଟୋ କେବେ ବି ପୂଜା ସ୍ଥାନ, ମନ୍ଦିର କିମ୍ବା ଅନ୍ୟ ଦିଗରେ ଲଗାନ୍ତୁ ନାହିଁ। ଠିକ ଦିଗରେ ସ୍ୱର୍ଗୀୟ ସଦସ୍ୟଙ୍କ ଫଟୋ ଲଗାଇବା ଦ୍ୱାରା ଘରେ ଶାନ୍ତି ରହିଥାଏ। ପିତୃଦୋଷ ମଧ୍ୟ ଦୂର ହୋଇଥାଏ।
ଭଗବାନଙ୍କ ଉଗ୍ର ରୂପ କିମ୍ବା ଯୁଦ୍ଧ କରୁଥିବା ଫଟୋ ଘରେ ଲଗାନ୍ତୁ ନାହିଁ। ଏପରି ଫଟୋ ଘରେ ଲଗାଇବା ଦ୍ୱାରା ଘରେ କଳହ ସୃଷ୍ଟି ହୋଇଥାଏ।
ଘରେ ହନୁମାନଙ୍କ ଫଟୋ କେବଳ ପୂଜା ସ୍ଥାନରେ ରଖନ୍ତୁ। ଘରର ଅନ୍ୟ କୌଣସି ସ୍ଥାନରେ ହନୁମାନଙ୍କ ଫଟୋ ଲଗାଇବା ଦ୍ୱାରା କ୍ଷତି ହୋଇଥାଏ। ହନୁମାନଙ୍କ କୋପ ଦୃଷ୍ଟି ପରିବାର ସଦସ୍ୟଙ୍କ ଉପରେ ପଡିଥାଏ। ଘରେ ଅଶାନ୍ତି ଓ ଦୁଶ୍ଚିନ୍ତା ବଢିଥାଏ।
ଭଗବାନ କୁବେରଙ୍କ ଫଟୋ ଘରେ ଲଗାଇବା ଅନୁଚିତ। କୁବେରଙ୍କୁ ଧନର ଦେବତା କୁହାଯାଇଥାଏ। ଘରେ କୁବେରଙ୍କୁ ପୂଜା କରିବା ଉଚିତ ନୁହେଁ।