ରେଙ୍ଗାଲି : ସମ୍ବଲପୁର-ରାଉରକେଲା ୧୦ ନମ୍ବର ରାଜ୍ୟ ରାଜପଥର ଗୁରୁପାଲି ଏବଂ ରମ୍ପେଲାକେମ୍ପ ନିକଟସ୍ଥ ବିଶ୍ଫୁଟିଆ ଠାରେ ଆଜି ଦୁଇଟି ପୃଥକ୍ ପୃଥକ୍ ଦୁର୍ଘଟଣା ଘଟି ୪ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ଜଣ ଗୁରୁତର ଅବସ୍ଥା ରେ ବୁର୍ଲା ଡାକ୍ତରଖାନା ରେ ଚିକିତ୍ସିତ ହେଉଛନ୍ତି। ସୂଚନା ଅନୁଯାୟୀ ସକାଲ ୮ଟା ସମୟରେ ଏକ କାର୍ ଧକ୍କାରେ ବାଇକ୍ ଚାଳକ ହୃଦାନ୍ଦ ବାରିକ(୪୫) ଗୁରୁତର ଆହତ ହୋଇଥିଲେ। ଦିନ ୧୨ ଟା ସମୟ ରେ ଅନ୍ୟ ଏକ କାର୍ ଧକ୍କାରେ ଆକ୍ଟିଭା ଏବଂ ବାଇକ୍ ଚାଳକଙ୍କ ସମେତ ୩ଜଣ ଯାତ୍ରୀ ଆହତ ହୋଇଥିଲେ। ସେମାନଙ୍କ ମଧ୍ୟରୁ ବଳବସପୁରର ରମାକାନ୍ତ ପଟେଲ(୪୮) ଏବଂ ସମ୍ବଲପୁର କମଳିବଜାରର ଧୁବେଇ ଚରଣ ପାତ୍ର ଗୁରୁତର ଆହତ ହୋଇ ବୁର୍ଲା ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏହି ଦୁର୍ଘଟଣାରେ ଫରେଷ୍ଟ ଗାର୍ଡ ତୁଳସୀରାଣି (୨୮) ସାମାନ୍ୟ ଆହତ ହୋଇଥିବା ଜଣାପଡିଛି। ରେଙ୍ଗାଲି ପୁଳିସ ଉଭୟ ଘଟଣା ସଂକ୍ରାନ୍ତରେ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି ବୋଲି ଥାନା ଅଧିକାରୀ ଧବଳେଶ୍ୱର ସାହୁ ସୂଚନା ଦେଇଛନ୍ତି।
Popular Categories
Previous article
Next article