ବୁର୍ଲା : ବୁର୍ଲା ଥାନା ଅନ୍ତର୍ଗତ ଅଠରହଜାର କେନାଲ ପୋଲତଳୁ ଜଣେ ଅଜଣା ଯୁବକଙ୍କ ଗଳିତ ଶବ ବୁର୍ଲା ଅଗ୍ନିଶମ ବିଭାଗ ଦ୍ୱାରା ଉଦ୍ଧାର ହୋଇଛି। ମିଳିିଥିବା ସୂଚନା ମତେ ଅଠର ହଜାର ନିକଟରେ ଥିବା ପିସିବ୍ରିଜରୁ ପାଣି କେନାଲକୁ ଯିବା ପାଇଁ ଲାଗିଥିବା ଗେଟରେ ଜଣେ ଯୁବକଙ୍କ ଗଳିତ ମୃତ ଦେହ ଭାସୁଥିବା ଲୋକେ ଦେଖିଥିଲେ। ଏହାପରେ ବୁର୍ଲା ପୁଲିସକୁ ଘଟଣା ସମ୍ପର୍କରେ ସୂଚନା ଦେଇଥିଲେ। ବୁର୍ଲା ପୁଲିସ ଅଗ୍ନିଶମ ବାହିନିକୁ ଖବରଦେଇ ଉକ୍ତ ମୃତ ଦେହକୁ ଉଦ୍ଧାର କରିଥିଲେ। ତେବେ ମୃତ ଦେହଟି ଦୁଇରୁ ତିନି ଦିନ ପୂର୍ବର ହୋଇଥିବା ପୁଲିସ ଅନୁମାନ କରୁଛି।
ତେବେ ମୃତ ବ୍ୟକ୍ତିଙ୍କ ପରିଚୟ ମିଳି ପାରିନାହିଁ। ତେବେ ବୁର୍ଲା ବିଷ୍ଣୁ ମନ୍ଦିର ପଡା କେନାଲ ଘାଟରେ ଜଣେ ଯୁବକ ଦୁଇଦିନ ତଳେ ପାଣିକୁ ଡେଇଁଥିବା ବୁର୍ଲା ଥାନାରେ ଅଭିଯୋଗ ହୋଇଥିଲା। ହେଲେ ପୁଲିସ ବହୁ ଖୋଜା ଖୋଜି ପରେ ମଧ୍ୟ ଉକ୍ତ ବ୍ୟକ୍ତିଙ୍କ କୌଣସି ପତ୍ତା ମିଳି ନ ଥିଲା। ତେବେ ଆଜି ଉଦ୍ଧାର ହୋଇଥିବା ଶବଟି ଉକ୍ତ ବ୍ୟକ୍ତିଙ୍କ ହୋଇ ଥାଇପାରେ ବୋଲି ବୁର୍ଲା ଥାନାଧିକାରୀ ସୂଚନା ଦେଇଛନ୍ତି। ତେବେ ଶବକୁ ପୁଲିସ ଜବତ କରି ଶବଗୃହରେ ଆଣି ରଖିଥିବା ଜଣାପଡିଛି। ତେବେ ଶବ ଉଦ୍ଧାର ହେବାର ୭୨ ଘଣ୍ଟା ମଧ୍ୟରେ ଶବ ନେବା ପାଇଁ କୌଣସି ପରିବାର ଲୋକେ ନ ଆସନ୍ତି ତେବେ ପୁଲିସ ଦ୍ୱାରା ଶବ ସତ୍କାର କରାଯିବ ବୋଲି ଜଣାପଡିଛି। ତେବେ ଆଜି ବୁର୍ଲା ଅଗ୍ନିଶମ ବିଭାଗ ଅଧିକାରୀ ଲୋକେଶ୍ୱର ପଟେଲଙ୍କ ସମେତ ଏକ ନଅ ଜଣିଆଁ ଟିମ ଉଦ୍ଧାର କାର୍ଯ୍ୟ କରିଥିଲେ।
