ନୀତିଶ ରାଣା ଓ ସୁନୀଲ ନାରିନଙ୍କ ଦମଦାର ବ୍ୟାଟିଂ, ଦିଲ୍ଲୀ କ୍ୟାପିଟାଲ୍‌ସକୁ ୧୯୫ ରନ୍‌ର ବିଜୟ ଲକ୍ଷ୍ୟ ଦେଲା କେକେଆର

ଦୁବାଇ : ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ)ର ୪୨ ତମ ମ୍ୟାଚରେ କଲକାତା ନାଇଟ ରାଇଡର୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ହେଉଛି ମୁକାବିଲା । ଦିଲ୍ଲୀ କ୍ୟାପଟେନ ଶ୍ରେୟସ ଆୟର ଟସ ଜିତି ପ୍ରଥମ ବୋଲିଂ ନିଷ୍ପତ୍ତି ନେଇଥିଲେ ଯାହା ଫଳରେ ପ୍ରଥମେ ବ୍ୟାଟିଂ କରିଥିଲା କଲକାତା ନାଇଟ ରାଇଡର୍ସ। ପ୍ରଥମେ ବ୍ୟାଟିଂ ବପର୍ଯ୍ୟୟର ସମ୍ମୁଖୀନ ହୋଇଥିଲେ ମଧ୍ୟ ବଡ ସ୍କୋର କରିବାରେ ସଫଳ ହୋଇଥିଲା କେକେଆର। ୨୦ ଓଭରର ଖେଳି କେକେଆର ୬ ୱିକେଟ ହରାଇ ୧୯୪ ରନ୍‌ କରିଥିଲା। ଅଷ୍ଟମ ଓଭରରେ ୪୨ ରନରେ ୩ ୱିକେଟ ହରାଇ ସାରିଥିବା କେକେଆରକୁ ଏକ ବିଶାଳ ସ୍କୋର ଆଡକୁ ଆଗେଇ ନେଇଥିଲେ ନୀତିଶ ରାଣା ଓ ସୁନୀଲ ନାରିନ। ସୁନୀଲ ନାରିନ ଏକ ବିସ୍ପୋରକ ପାଳି ଖେଳି ୩୨ ବଲରେ ୬୪ ରନ କରି ଆଉଟ ହୋଇଥିଲେ। ସେହିପରି ନୀତିଶ ରାଣା ୫୩ ବଲରୁ ୮୧ ରନ କରି ଶେଷ ଓଭରରେ ଆଉଟ ହୋଇ ପ୍ୟାଭିଲିୟନ ଫେରିଥିଲେ।

Innings Break!

Half-centuries by Nitish Rana and Sunil Narine, guide #KKR to a formidable total of 194/6 on the board.

Will #DelhiCapitals chase this down? Stay tuned.#Dream11IPL pic.twitter.com/xO2vVKWwlf

— IndianPremierLeague (@IPL) October 24, 2020

ଅନ୍ୟପଟେ ଶ୍ରେୟସ ଆୟାରଙ୍କ ନେତୃତ୍ବାଧୀନ ଦିଲ୍ଲୀ କ୍ୟାପିଟାଲ୍‌ସ ୧୦ଟି ମ୍ୟାଚରୁ ୭ଟି ବିଜୟ ଓ ୩ଟି ପରାଜୟ ସହ ୧୪ ପଏଣ୍ଟ ହାସଲ କରିଛି। ଦଳକୁ ପ୍ଳେ ଅଫ ଉନ୍ନୀତ ନେଇ ଆଉ ଗୋଟିଏ ବିଜୟ ଆବଶ୍ୟକତା ରହିଛି। କଲକାତା ବିପକ୍ଷ ମ୍ୟାଚକୁ ବିଜୟୀ ହୋଇ ପ୍ଳେ ଅଫ ସ୍ଥାନ ପକ୍କା କରିବା ଲକ୍ଷ୍ୟ ରଖିଛି। ଓପନର ଶିଖର ଧାୱନ ଚମତ୍କାର ଫର୍ମରେ ରହିଥିବାବେଳେ ଶ୍ରେୟସ , ହେତ୍‌ମେୟାର, ଋଷଭ ପନ୍ତ ପ୍ରମୁଖ ଭଲ ପ୍ରଦର୍ଶନ କରୁଛନ୍ତି।