ଭୁବନେଶ୍ବର:ପାରାଦ୍ବୀପ ସମେତ ଦେଶର ସମସ୍ତ ବୃହତ ବନ୍ଦରରେ ଏକ ନୂଆ ଢ଼ାଞ୍ଚାର ସୁପର ସ୍ପେଶାଲିଟି ହସ୍ପିଟାଲ ପ୍ରତିଷ୍ଠା କରାଯିବ। ଗୋଲ୍ଡେନ ସେର ମଡେଲ ଢ଼ାଞ୍ଚାରେ ପ୍ରସ୍ତୁତ ହେବାକୁ ଥିବା ଏହି ହସ୍ପିଟାଲ ପ୍ରକଳ୍ପ ସମୂହକୁ କେନ୍ଦ୍ର ଜାହାଜ ଚଳାଚଳ ମନ୍ତ୍ରାଳୟର ଅର୍ଥ ସମ୍ପର୍କୀୟ ଷ୍ଟାଣ୍ଡିଂ କମିଟି ବିଧିବଦ୍ଧ ଭାବେ ମଞ୍ଜୁରି ପ୍ରଦାନ କରିଛି ା ଏହି ଗୋଲ୍ଡେନ ସେର ମଡେଲ ଢ଼ାଞ୍ଚାରେ ପ୍ରଥମେ ମୁମ୍ବଇ ପୋର୍ଟ ଟ୍ରଷ୍ଟ ହସ୍ପିଟାଲ ନିର୍ମାଣ କରାଯିବ। ତେବେ ଏହି ହସ୍ପିଟାଲ ନିର୍ମାଣକୁ ଚଳିତମାସ ୧୧ରେ ମଞ୍ଜୁରି ମିଳିଛି।
କେନ୍ଦ୍ର ଜାହାଜ ମନ୍ତ୍ରାଳୟର ଏକ ସୂଚନା ଅନୁଯାୟୀ ପାରାଦ୍ବୀପ ବନ୍ଦର ଲାଗି ପ୍ରସ୍ତାବିତ ସୁପର ସ୍ପେଶାଲିଟି ହସ୍ପିଟାଲ ପ୍ରକଳ୍ପ ପାଇଁ ସମସ୍ତ ବିଧିବ୍ୟବସ୍ଥା ସମ୍ପର୍କିତ ରିେପାର୍ଟ ଏବଂ ଅନ୍ୟାନ୍ୟ ଆବଶ୍ୟକ ରିପୋର୍ଟ ସମ୍ପୃକ୍ତ ପରାମର୍ଶଦାତା ପ୍ରସ୍ତୁତ କରୁଛନ୍ତି । ଚଳିତ ମାସ ଶେଷସୁଦ୍ଧା ଏହି ରିପୋର୍ଟ ଜାହାଜ ମନ୍ତ୍ରାଳୟ ନିକଟରେ ଦାଖଲ ହେବ। ପୂର୍ବରୁ କେନ୍ଦ୍ର ସରକାର ଭୁବନେଶ୍ୱରର ଦୁଇଟି ଘରୋଇ ହସ୍ପିଟାଲ ସହାୟତାରେ ପିପିପି ଢ଼ାଞ୍ଚାରେ ପାରାଦ୍ବୀପଠାରେ ସୁପର ସ୍ପେଶାଲିଟି ହସ୍ପିଟାଲ ପ୍ରତିଷ୍ଠା ଲାଗି ଯୋଜନା କରିଥିଲେ ମଧ୍ୟ ସମ୍ପୃକ୍ତ ଘରୋଇ ହସ୍ପିଟାଲଗୁଡିକ ଏ ନେଇ ଆଗ୍ରହ ପ୍ରକାଶ କରି ନ ଥିଲେ। ଫଳରେ ଜାହାଜ ମନ୍ତ୍ରାଳୟ ବନ୍ଦର କର୍ମଚାରୀ ଏବଂ ବନ୍ଦରାଞ୍ଚଳର ଲୋକଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଗୋଲ୍ଡେନ ସେର ମଡେଲ ଢ଼ାଞ୍ଚାରେ ସୁପର ସ୍ପେଶାଲିଟି ହସ୍ପିଟାଲ ନିର୍ମାଣ କରିବାକୁ ନିଷ୍ପତ୍ତି ନେଇଛନ୍ତି ା ତେଣୁ ଏହି ହସ୍ପିଟାଲ ପ୍ରକଳ୍ପ ଫାଙ୍କା ପ୍ରତିଶ୍ରୁତି ନୁହେଁ ବୋଲି ଜାହାଜ ଚଳାଚଳ ମନ୍ତ୍ରାଳୟ ପକ୍ଷରୁ ସ୍ପଷ୍ଟ କରିଦିଆଯାଇଛି।
ପାରାଦ୍ବୀପ ସମେତ ସବୁ ବୃହତ୍ ବନ୍ଦରାଞ୍ଚଳରେ ହେବ ସୁପର ସ୍ପେଶାଲିଟି ହସ୍ପିଟାଲ
Popular Categories
Previous article
Next article