ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ତାଙ୍କ ଆମେରିକୀୟ ପ୍ରତିପକ୍ଷ ମାଇକ ପମ୍ପିଓଙ୍କ ସହ ସାକ୍ଷାତ ଆଲୋଚନା କରିବା ପରେ କହିଛନ୍ତି ଯେ ଭାରତ ଏବଂ ଆମେରିକା ପ୍ରଶାନ୍ତ ମହାସାଗରୀୟ ଅଂଚଳରେ ସ୍ଥିରତା ଏବଂ ସମୃଦ୍ଧି ପାଇଁ ମିଳିତ ଭାବେ କାର୍ଯ୍ୟ କରିବେ। ଜୟଶଙ୍କର ଟ୍ୱିଟରରେ ଲେଖିଛନ୍ତି, ‘ପମ୍ପିଓଙ୍କ ସହ ଦ୍ୱିପାକ୍ଷିକ ବୈଠକ ସହିତ ମୋର ଟୋକିଓ ଗସ୍ତ ଆରମ୍ଭ ହୋଇଛି। ଅନେକ କ୍ଷେତ୍ରରେ ଆମର ସହଭାଗୀତାର ଅଗ୍ରଗତି ଦେଖି ଖୁସି। ଭାରତ-ପ୍ରଶାନ୍ତ ମହାସାଗରୀୟ ଅଂଚଳରେ ସ୍ଥିରତା ଏବଂ ସମୃଦ୍ଧି ପାଇଁ ଆମେ ମିଳିତ ଭାବେ କାର୍ଯ୍ୟ କରିବୁ।’
Began my Tokyo visit with a bilateral meeting with @SecPompeo. Pleased to see the progress of our partnership in so many fields. Will work together for stability and prosperity in the Indo- Pacific. pic.twitter.com/isZMTNlHXe
— Dr. S. Jaishankar (@DrSJaishankar) October 6, 2020
ଆମେରିକା, ଅଷ୍ଟ୍ରେଲିଆ ଏବଂ ଜାପାନର ଦ୍ୱିତୀୟ ବୈଦେଶିକ ମନ୍ତ୍ରୀଙ୍କ ବୈଠକରେ ଯୋଗଦେବା ପାଇଁ ପମ୍ପିଓ ଏବଂ ଜୟଶଙ୍କର ଟୋକିଓରେ ଅଛନ୍ତି। ପ୍ରଶାନ୍ତ ମହାସାଗରୀୟ ଅଂଚଳରେ ଚୀନ୍ର ବୃଦ୍ଧି ପାଉଥିବା ସାମରିକ କାର୍ଯ୍ୟକଳାପ ଦୃଷ୍ଟିରୁ ଏହି ବୈଠକର ଗୁରୁତ୍ୱ ରହିଛି। ଭାରତ ଏବଂ ଚୀନ୍ ମଧ୍ୟରେ ସୀମା ତିକ୍ତତା ମଧ୍ୟରେ ଏହା ୪ଟି ଦେଶର ବୈଦେଶିକ ମନ୍ତ୍ରୀଙ୍କ ପ୍ରଥମ ବୈଠକ ହେଉଛି।
