ଭୁବନେଶ୍ୱର : ଯୁକ୍ତ ଦୁଇ କଳା ଓ ଧନ୍ଦାମୂଳକ ପାଠ୍ୟକ୍ରମର ରିଚେକିଂ ଓ ରିଆଡିସନ୍ ପାଇଁ ତାରିଖ ଘୋଷଣା କରାଯାଇନି। ତେବେ ଆସନ୍ତା ୧୧ ତାରିଖରେ ରିଚେକିଂ ଓ ରିଆଡିସନ୍ ପାଇଁ ବିଜ୍ଞପ୍ତି ପ୍ରକାଶ ପାଇବା ବୋଲି ପରିଷଦ ପକ୍ଷରୁ କୁହାଯାଇଛି। ଛାତ୍ରଛାତ୍ରୀଙ୍କୁ ଆବେଦନ କରିବା ପାଇଁ ୧୫ ଦିନ ସମୟ ପ୍ରଦାନ କରାଯିବ। ଅନ୍ଲାଇନ୍ରେ ଆବେଦନ ସହ ଦେୟପୈଠ କରିବାକୁ ହେବ।
ଯୁକ୍ତ ଦୁଇ କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ପାଠ୍ୟକ୍ରମର ଇନ୍ଷ୍ଟାଣ୍ଟ ପରୀକ୍ଷା ଓ ଅପ୍ସିନାଲ ପରୀକ୍ଷା ପାଇଁ ରାଜ୍ୟ ସରକାରଙ୍କ ଅନୁମତି ଲୋଡ଼ାଯିବ। ସରକାରଙ୍କ ଅନୁମତି ମିଳିବା ପରେ ପରୀକ୍ଷାର କାର୍ଯ୍ୟସୂଚୀ ପରିଷଦ ପକ୍ଷରୁ ଘୋଷଣା କରାଯିବ। ପରୀକ୍ଷା ହୋଇ ନଥିବା ବିଷୟରେ ମିଳିଥିବା ମାର୍କକୁ ନେଇ ବିଦ୍ୟାର୍ଥୀ ଅସନ୍ତୁଷ୍ଟ ପ୍ରକାଶ କଲେ ଅପ୍ସିନାଲ ପରୀକ୍ଷା ଦେବେ। ଏଗ୍ରିଗେଟ୍ ମାର୍କ ରଖି ଗୋଟିଏ ବିଷୟରେ ଫେଲ ହୋଇଥିବା ବିଦ୍ୟାର୍ଥୀଙ୍କ ପାଇଁ ଇନ୍ଷ୍ଟାଣ୍ଟ ପରୀକ୍ଷା କରାଯାଏ। ସରକାର ଅନୁମତି ଦେବା ପରେ ଏହି ଦୁଇ ପରୀକ୍ଷା ପାଇଁ ଫର୍ମପୂରଣ କରାଯିବ।
୧୧ରେ +୨ କଳା ଓ ଧନ୍ଦାମୂଳକ ପାଠ୍ୟକ୍ରମର ରିଚେକିଂ ଓ ରିଆଡିସନ୍ ପାଇଁ ବିଜ୍ଞପ୍ତି
Popular Categories
Previous article
Next article