ନୂଆଦିଲ୍ଲୀ : ଲଦାଖ ସୀମାକୁ କେନ୍ଦ୍ର କରି ଭାରତ ଓ ଚୀନ ମଧ୍ୟରେ ବିବାଦ ଲାଗି ରହିଥିବା ବେଳେ ଭାରତ ଚୀନକୁ ଗୋଟିଏ ପରେ ଗୋଟିଏ ଝଟକା ଦେବାରେ ଲାଗିଛି। ଏଭଳି ପରିସ୍ଥିତିରେ ମାଳଦୀପ କନେକ୍ଟିଭିଟି ପ୍ରୋଜେକ୍ଟ କୁ ମଧ୍ୟ ଭାରତ ଚୀନ ହାତରୁ ଛଡାଇ ଆଣିଛି। ଯାହା ଚୀନ ପାଇଁ ଅନ୍ୟ ଶକ୍ତ ଝଟକା କହିଲେ କିଛି ଭୁଲ ହେବ ନାହିଁ। କାରଣ ଭାରତ-ମହାସାଗରରେ ଭାରତର ଆଭିମୁଖ୍ୟକୁ ହଟାଇବା ପାଇଁ ଚୀନ୍ ଦୀର୍ଘ ସମୟ ଧରି ଚେଷ୍ଟା କରିଆସୁଥିଲା। ଚୀନର ଅଭିଳାଷକୁ ଆଘାତ କରି ଭାରତ ମାଲଦ୍ୱୀପରେ ଏକ ସଂଯୋଗ ପ୍ରକଳ୍ପ (ମାଳଦୀପ କନେକ୍ଟିଭିଟି ପ୍ରୋଜେକ୍ଟ) ହାସଲ କରିଛି। ଏହି ପ୍ରକଳ୍ପ ପାଇଁ ଚୀନ୍ ଏବଂ ଭାରତ ପ୍ରତିଦ୍ୱନ୍ଦ୍ୱିତା କରୁଥିଲେ। ଗ୍ରେଟର ମାଲେ କନେକ୍ଟଭିଟି ପ୍ରୋଜେକ୍ଟର ଆନୁମାନିକ ମୂଲ୍ୟ ୪ ଶହ ନିୟୁତ ଡଲାର ରହିଛି । ଯାହା ଅଧୀନରେ ମାଳଦ୍ୱୀପ ରାଜଧାନୀ ମାଲେ ପଡୋଶୀ ତିନୋଟି ଦ୍ୱୀପ ୱିଲିଙ୍ଗଲି, ଗାଲିଫାହୁ ଏବଂ ଥିଲାଫୁଶି ସହିତ ସଂଯୁକ୍ତ ହେବ। ସେଗୁଡିକୁ ସଂଯୋଗ କରିବା ପାଇଁ ୬.୭ କିମି ଲମ୍ବା ବ୍ରିଜ୍ ଏବଂ ଏକ କାଜୱେ ଲିଙ୍କ୍ ନିର୍ମାଣ କରାଯିବ।
ଗାଲିଫାହୁ ଠାରେ ଭାରତୀୟ ଏଲଓସି ଅଧୀନରେ ଏକ ବନ୍ଦର ଏବଂ ଥିଲାଫୁସିରେ ଏକ ନୂତନ ଶିଳ୍ପାଞ୍ଚଳ ନିର୍ମାଣ ହେବ। ବନ୍ଦର ପ୍ରକଳ୍ପର ଆନୁମାନିକ ମୂଲ୍ୟ ପ୍ରାୟ ୩ ଶହ ନିୟୁତ ଡଲାର ରହିଛି। ଏହି ପ୍ରକଳ୍ପ ନିର୍ମାଣ ପାଇଁ ଏଗ୍ଜିମ ବ୍ୟାଙ୍କ ଅଫ୍ ଇଣ୍ଡିଆ ମାଧ୍ୟମରେ ପାଣ୍ଠି ସଂଗ୍ରହ କରାଯିବ ବୋଲି ମାଳଦୀପ ପୂର୍ବରୁ କହିସାରିଛି।
କ’ଣ ଏହି ଗୁରୁତ୍ୱପୂର୍ଣ୍ଣ ପ୍ରୋଜେକ୍ଟ
ଏହି ପ୍ରୋଜେକ୍ଟ ଦ୍ୱାରା ଉଭୟ ମାଳଦ୍ୱୀପ ଏବଂ ଭାରତ ଉପକୃତ ହେବେ। ଏହା ଦ୍ୱାରା ମାଲେ ର ବାଣିଜ୍ୟିକ ବନ୍ଦର ସୁଗମ ହୋଇଯିବ। ଏହା ଦ୍ବାରା ପ୍ରାୟ ୪୦ ହଜାର ନିର୍ବାସିତ ଉପକୃତ ହେବେ ବୋଲି ଆକଳନ କରାଯାଉଛି। ଏହା ସହିତ ଉଭୟ ଦେଶ ଅର୍ଥନୈତିକ କାର୍ଯ୍ୟକଳାପ, ପର୍ଯ୍ୟଟନ, ରୋଜଗାର କ୍ଷେତ୍ରରେ ମଧ୍ୟ ଉନ୍ନତ ହେବ। ଭାରତ ମହାସାଗରରେ କୋଭିଡ-୧୯ ସଙ୍କଟର ସମ୍ମୁଖୀନ ହେଉଥିବା ଦ୍ୱୀପପୁଞ୍ଜକୁ ସାହାଯ୍ୟ କରିବା ପାଇଁ ଭାରତ ୨୦୫ ନିୟୁତ ଡଲାର ବଜେଟର ବ୍ୟବସ୍ଥା କରିଛି।
