କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହାଙ୍କର କରୋନା ଯାଞ୍ଚ ହୋଇନାହିଁ ଓ ସେ କୋବିଡ଼-୧୯ ସଂକ୍ରମଣରୁ ପୁରା ସୁସ୍ଥ ହୋଇ ନାହାନ୍ତି । କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଏ ସମ୍ପର୍କରେ ସୂଚନା ଦିଆ ଯିବା ସହ ଏକ ଟ୍ବିଟ୍ ଯୋଗେ ବିଜେପି ସାଂସଦ ମନୋଜ ତିୱାରୀଙ୍କ ଟ୍ବିଟକୁ ଖଣ୍ଡନ କରାଯାଇଛି । ଯେଉଁଥିରେ ଶ୍ରୀ ତିୱାରୀ କହିଥିଲେ ଯେ ଅମିତ୍ ଶାହା ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି ଓ କରୋନା ମୁକ୍ତ ହୋଇଛନ୍ତି ।
#COVID19 test of Home Minister Amit Shah has not been conducted so far: Ministry of Home Affairs (MHA) Official https://t.co/8UaeUtNgBp
— ANI (@ANI) August 9, 2020
;
ଆଜି ସକାଳେ ମନୋଜ ତିୱାରୀ ଟ୍ବିଟ୍ କରି ଗୃହ ମନ୍ତ୍ରୀ ଅମିତ୍ ଶାହାଙ୍କ କରୋନା ରିପୋର୍ଟ ନେଗେଟିଭ୍ ଆସିଥିବା କହିଥିଲେ । ତେବେ ଏହା ଉପରେ ଗୃହ ମନ୍ତ୍ରଣାଳୟର ଜଣେ ଅଧିକାରୀ ସ୍ପଷ୍ଟୀକରଣ ଦେଇ ବର୍ତମାନ ସୁସ୍ଥା ଗୃହମନ୍ତ୍ରୀ ଅମିତ୍ ଶାହାଙ୍କ କୋବିଡ଼-୧୯ ପରୀକ୍ଷା ହୋଇନାହିଁ ବୋଲି କହିଛନ୍ତି ।
ଗତ ରବିବାର ଶ୍ରୀ ଶାହା ନିଜେ ଟ୍ବିଟ୍ କରି କରୋନା ସଂକ୍ରମିତ ହୋଇଥିବା ସୂଚନା ଦେଇଥିଲେ । ସେ କହିଥିଲେ ଯେ କରୋନାର ପ୍ରାରମ୍ଭିକ ଲକ୍ଷଣ ଦେଖାଯିବା ପରେ ସେ ନିଜେ ନମୁନା ପରୀକ୍ଷା କରିଥିଲେ ଓ ଏହା ପଜିଟିଭ୍ ଆସିଥିଲା । ମୁଁ ସୁସ୍ଥ ଅଛି, କିନ୍ତୁ ଡ଼ାକ୍ତରଙ୍କ ପରାମର୍ଶକ୍ରମେ ହସପିଟାଲରେ ଭର୍ତି ହୋଇଛି । ଯେଉଁମାନେ ମୋ ସଂସ୍ପର୍ଶରେ ଆସିଛନ୍ତି ସେମାନେ ଦୟାକରି ଏକାନ୍ତବାସରେ ରୁହନ୍ତୁ ବୋଲି ଶ୍ରୀ ଶାହା ଅନୁରୋଧ କରିଥିଲେ ।
