ମୁମ୍ବାଇ: ଆଇପିଏଲ୍ ପ୍ରାୟୋଜକ ଭାବରେ ପୂର୍ବରୁ ରହି ଆସିଥିବା ଚୀନ ମୋବାଇଲ୍ କମ୍ପାନୀ ଭିଭୋକୁ ବାଦ ଦିଆଯାଇଛି । ଏହାପରେ ପ୍ରାୟୋଜକ ହେବା ନିମନ୍ତେ ଭାରତୀୟ କମ୍ପାନୀ ଜିଓ ସହିତ ଇ କମର୍ସ କମ୍ପାନୀ ଆମାଜନ, ମୃଦୁ ପାନୀୟ କମ୍ପାନୀ କୋକାକୋଲା ଓ ବାୟିଜୁ ଇଚ୍ଛା ପ୍ରକାଶ କରିଥିବା ସୂଚନା ମିଳିଛି ।
ଏହି କମ୍ପାନୀଗୁଡ଼ିକ ପ୍ରାୟୋଜକ ହେବା ନିମନ୍ତେ ୨୫୦ରୁ ୩୦୦ କୋଟି ଟଙ୍କା ନିବେଶ କରିବା ପାଇଁ ମଧ୍ୟ ପ୍ରସ୍ତୁତ ଅଛନ୍ତି । ପ୍ରାରମ୍ଭରେ ବିସିସିଆଇ ଚୀନ କମ୍ପାନୀ ଭିଭୋ ସହ ଚୁକ୍ତି ଭାଙ୍ଗିବାକୁ ଚାହୁଁ ନ ଥିଲେ । କିନ୍ତୁ ଭାରତ ଓ ଚୀନ ମଧ୍ୟରେ ସୃଷ୍ଟି ହୋଇଥିବା ସ୍ଥିତିକୁ ଦୃଷ୍ଟିରେ ରଖି ଭାରତରେ ଚୀନ କମ୍ପାନୀ ବିରୋଧରେ ସୃଷ୍ଟି ହୋଇଥିବା ଜନମତକୁ ଦୃଷ୍ଟିରେ ରଖି ପ୍ରାୟୋଜକରୁ ଭିଭୋକୁ ବାଦ ଦିଆଯାଇଥିଲା ।
ଏତେ କମ୍ ସମୟ ମଧ୍ୟରେ ନୂଆ ପ୍ରାୟୋଜକ ମିଳିବା ଯଦିଓ କଠିନ ବ୍ୟାପାର ଥିଳା ତଥାପି କୋକାକୋଲା, ଆମାଜନ, ଜିଓ ପ୍ରାୟୋଜକ ହେବା ନିମନ୍ତେ ଆଗ୍ରହୀ ହେବା ବିସିସିଆଇକୁ ଆଶ୍ଵସ୍ତ କରିଛି ।
Comments are closed.