ଭୁବନେଶ୍ୱର : କୋଭିଡ୍-୧୯ ବିଶ୍ୱ ମହାମାରୀ ସ୍ଥିିତିରେ ବିଶ୍ୱର ସବୁ ଦେଶରେ ଅର୍ଥନୀତି ଶିଥିଳ ହୋଇ ଯାଇଥିବାବେଳେ ଅତୁଳନୀୟ ସୁବିଧା ପ୍ରଦାନ ବ୍ୟବସ୍ଥା ଏବଂ ଭିତ୍ତିଭୂମି ରହିଥିବା ଓଡ଼ିଶା ୨୦ ହଜାର ୯୭୯ କୋଟି ଟଙ୍କାର ପୁଂଜିନିବେଶ ଆକୃଷ୍ଟ କରିବାରେ ସଫଳ ହୋଇଛି । ଏହି ପୁଂଜିନିବେଶ ରାଜ୍ୟରେ ଅର୍ଥନୀତିର ପୁନଃବିକାଶ ସହିତ ହଜାର ହଜାର ସଂଖ୍ୟାରେ କର୍ମନିଯୁକ୍ତି ପ୍ରଦାନ କରିବାରେ ସହାୟକ ହେବ । କୋଭିଡ୍-୧୯ ମହାମାରୀ ସତ୍ତେ୍ୱ, ରାଜ୍ୟ ଜିଏସ୍ଟି ସଂଗ୍ରହରେ ଅନୁକୂଳ ଅଭିବୃଦ୍ଧି ହାସଲ କରିଛି । ଚଳିତ ବର୍ଷ ଜୁଲାଇ ମାସରେ ରାଜ୍ୟର ଜିଏସ୍ଟି ସଂଗ୍ରହ ଗତ ଆର୍ଥିକ ବର୍ଷର ଏହି ମାସରେ ହୋଇଥିବା ସଂଗ୍ରହଠାରୁ ୧୩ ପ୍ରତିଶତ ଅଧିକ ହୋଇଛି । ର।ପିଡ୍ ଆଣ୍ଟିଜେନ୍ ଟେଷ୍ଟିଂ ଓ ଆର୍ଟି-ପିସିଆର୍ ପ୍ରଣାଳୀରେ ପରୀକ୍ଷା କରିବା ନିମନ୍ତେ ଇଚ୍ଛୁକ ଘରୋଇ ଡାକ୍ତରଖାନା, ନର୍ସିଂ ହୋମ୍ ଓ ପରୀକ୍ଷାଗାରଗୁଡ଼ିକ ପାଇଁ ରାଜ୍ୟ ସରକାର ମାର୍ଗଦର୍ଶିକା ଜାରି କରିଛନ୍ତି । ବାଧ୍ୟତାମୂଳକ ପଂଜୀକରଣ ପରେ ଏହି ଅନୁଷ୍ଠାନଗୁଡ଼ିକ ପରୀକ୍ଷଣ ଆରମ୍ଭ କରିପାରିବେ ବୋଲି ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।
